ياجماعة لو سمحتم ايه افضل احياء التجمع الخامس للسكن

**khaled_sabry** · 02-03-2015 04:01 PM

المشاركة الأصلية كتبت بواسطة kar!m

وجهة نظري الشخصية من اللي شفته في القاهرة الجديدة و غيرها من المناطق الراقية .. بغض النظر عن أفضل المناطق .. انت ممكن تشتري في حته هادية و راقية و جميلة و تييجي بعد أربع سنين تلاقي موقف ميكروباصات عشوائي اتعمل قدامك .. أو جارك اللي تحتك فتح الدور الأرضي كافيتريا أو قهوة .. أو ناس فرشوا بفاكهة و خضار .. و عشان احنا في مصر فمفيش حد هيكلمهم .. و هتلاقي نفسك عايش في عذاب.

رأيي الشخصي حاول تشوف شقة في كمبوند .. حتى لو مش كمبوند كبير .. بس في ظروف بلدنا أفضل بكتير من السكن بره.

مؤيد جدااا للرأي ده
لان حتى دلوقتى لو جهاز التجمع قوى و بيحكم سيطرته - احتمال كبير ماتلاقيش الاحكام ده بقى موجود بعد ما التجمع كلها تتملى
لانها مساحه كبيره و مفتوحه
على عكس الكمباونتات اللى بتبقى مساحه محدوده و مقفوله

المشاركة الأصلية كتبت بواسطة hugan

لاء في فرق بينها وبين الكومباند
الكومباوند فيلات اضغر في المساحه
لكن النخيل تقدر تقول انها مدينه سكنيه مغلقه نقدر نشبهها بالرحاب بس علي اصغر بكتير
ومش هاتكون زحمه ولا دوشه زي الرحاب
الشركه المالكه بايعه لافراد يعني هاتشتري من مالك عماره مش من الشركه

الموضوع ده يخوف جداااااااااااا
لان تميز الكمباونتات ان الواحد يبقى ضامن ان مش حيجي حد يعلى و بدل العماره ماهى 5 ادوار تبقى 12 دور و بعد كده تبقى زحمه و ماتعرفشى تركن الى اخر مشاكل الحتت اللى فى القاهره

**hugan** · 02-03-2015 04:17 PM

المشاركة الأصلية كتبت بواسطة khaled_sabry

مؤيد جدااا للرأي ده
لان حتى دلوقتى لو جهاز التجمع قوى و بيحكم سيطرته - احتمال كبير ماتلاقيش الاحكام ده بقى موجود بعد ما التجمع كلها تتملى
لانها مساحه كبيره و مفتوحه
على عكس الكمباونتات اللى بتبقى مساحه محدوده و مقفوله

الموضوع ده يخوف جداااااااااااا
لان تميز الكمباونتات ان الواحد يبقى ضامن ان مش حيجي حد يعلى و بدل العماره ماهى 5 ادوار تبقى 12 دور و بعد كده تبقى زحمه و ماتعرفشى تركن الى اخر مشاكل الحتت اللى فى القاهره

نقطه التعليه مستحيله ﻻئنها خاضعه لسيطره الجهاز
دا الشيء اللي يطمن عامه في المدن الجديده

**egyboy** · 02-03-2015 07:57 PM

طيب ونظام التقسيط فى اللوتس هيكون ازاى ؟؟

المشكلة انه بيكون بفايدة كبيرة وتلاقى زيادة مبلغ كبير فى الاخر

**4fun14** · 02-03-2015 08:51 PM

لا يستحسن حضرتك تسأل ف المبيعات.. بس التقسيط بيباه بدون فوايد طالما الشقه مش مبنيه.. وعاده بتدفع مقدم عند التعاقد "غالبا 30%" وزيهم عند الاستلام والباقي علي دفعات علي 3 سنين"دفعه كل 3 شهور"
بس دي تفاصيل بتختلف من شركة للتانية طبعا

**egyptawy2010** · 02-03-2015 09:17 PM

اللوتس ده عمارات ولا فيلات

**4fun14** · 03-03-2015 08:58 AM

انا شفت عمارات كتير..مش عارف فيها فيلات ولا لا

**salodas** · 03-03-2015 09:05 AM

المشاركة الأصلية كتبت بواسطة egyptawy2010

معلش سوال رخم لكن هيساعدنى فى الاختيار

بالسعر د حضرتك كان ممكن تجيب فى كمبوند

ليه ما اخترتش كمبوند

شوف حضرتك ... عشان تقدر تاخد فى كمبوند (يستحق الكلمه مش أى كلام) حضرتك مش هتدفع اقل من 10 الاف جنيه للمتر ... وده كتير جدا .
انا بزور اصحابى فى القطامية هايتس و كمبوند الدبلماسيين ...وأنا داخل الكمبوند بكون قافل حتى زجاج السيارة محدش بيقولى أنت رايح فين (خصوصا لو لابس النظارة الشمس ).
فموضوع الكمبوند ده مبيدخلش دماغى أوى ومش فارق معايا كتير .
لكن الهم بالنسبة لى .
مساحة الشقة:
الجراج للسيارة :
الفيو .... لازم يطلع على حديقة محترمة :
التشطيب الخارجى الفيلا :
أسانسير للجراج:

وطالما كل ده متوفر ادفع وأنا مقتنع

**swimmer25** · 03-03-2015 10:25 AM

هديك شوية معلومات يمكن تفيدك في بحثك

اللوتس أنا شايفها غالية على الفاضي بس ميزتها الأساسية إنها بالتقسيط
فيه شركتين بيبنوا هناك مشابهين لبعض وهم المنار ومعمار وهتلاقيلهم مواقع على النت وأرقام خدمة عملاء وبينزلوا معاك بعربيتك يلففوك في العمارات بتاعتهم وأماكن المشاريع الجديدة
المتر ممكن يكون وصل 5500 هناك

البنفسج والياسمين وأعتقد شرق وجنوب الأكاديمية كمان والرحاب والمستثمرين الشمالية والقرنفل تجمع أول مش خامس
لكن النرجس والأحياء من 1-5 وحي المصراوية وأرابيلا والمستثمرين الجنوبية وأبو الهول واللوتس والأندلس تجمع خامس
يعني أي حاجة شمال التسعين تجمع أول وأي حاجة جنوب التسعين تجمع خامس

البنفسج والياسمين فيه منهم فيلات وفيه منهم عمارات ودائما الفيلات أفضل ولكن أغلى
المستثمرين الشمالية كلها كومبوندات والجنوبية كلها عمارات

وأدي لينك لصورة بدقة عالية عشان تتعرف على أماكن كل منطقة

https://drive.google.com/file/d/0B0L...ew?usp=sharing