الموضوع: مشاكل وحلول فتيس ال al4 فتيس ال 206 ، 306 ، 307 ، 406 و نظرائهم من الستروين

على الرغم من ثقل وزن العربية إلا إن إستجابة الفتيس لو سليم ، أو رجلاش رفع ضغط الزيت داخل الفتيس مظبوط على قيمة عالية بتلاقى العربية استجابتها سريعة بشكل كبير و لاحظ ان شعورك لما بتتنقط.. ههههه ..لما تركب حاجة جديدة او يابانى و بتلاقى الاستجابة السريعة اوى لغاية سرعة 70 80 مثلا، الموضوع دا بينعكس تماما على السرعات العالية بتبقى انت العربية من اقل ضغطة بنزين بتسحب بسهولة اوى وهو بيشطب و دا جربته فى لانسر بومة
نقل الحركة فى ال CVT بيتم بالتروس مباشرة إنما فى ال Al4 بيتم بضغط الزيت على توربينة ثم بعد كدة التروس بتاخد الحركة فأكيد الضغط الميكانيكى المباشر أسرع من الضغط عن طريق سوائل
كمان مش لازم تستعجل على العربية فى البدايات علشان كمان توفر بنزين
أنا سألت على ال فتيس ال ZF لازم كمان هتحتاج معاه طقم كبالن و بدالات غير الضفيرة و الكونترول و بصراحة مش شابف الموضوع مستاهل التعب دا كله لو اتعمل تعديل التبريد بصورة مناسبة
إن شاء الله هكلمك قريب

سعدت بمكالمتك و معرفة خير إن شاء الله

باشمهندس احمد، أود الاطمئنان على الفتيس لدي عشان التوكيل قال لي الفتيس مقفول ومش هاينفع نغير زيت لأنه كدة هايبوظ !! السيارة بيجو 307 sw وماشية 120 ألف كيلومتر

هل لديك مركز لفحص الفتيس؟ أو هل تنصح بمركز موثوق فيه؟

المشاركة الأصلية كتبت بواسطة TaoTao

باشمهندس احمد، أود الاطمئنان على الفتيس لدي عشان التوكيل قال لي الفتيس مقفول ومش هاينفع نغير زيت لأنه كدة هايبوظ !! السيارة بيجو 307 sw وماشية 120 ألف كيلومتر

هل لديك مركز لفحص الفتيس؟ أو هل تنصح بمركز موثوق فيه؟

توكيل ايه اللى بيقول كدة ؟!!!!!

غير الزيت لو ما تغيرش و اوعى تسمع الكلام دا نهائى

المركز حسب مكان سكنك ممكن أدلك عليه إن شاء الله و هما كتير

علشان نتمم الموضوع
الخلاصة لزوجة الزيت لما بتنهار لقيم قليلة جدا بسبب الحرارة فبتكون هى أس المشاكل و علشان نحافظ على اللزوجة دى بكذا طريقة على سبيل المثال :
1- تركيب مروحة تكييف اضافية (حجمها صغير اوى زى بتاعة الفيرنا) على الرادياتير مع مفتاح توصيل مباشر جوة التابلوه يشتغل يدوى او نشغلها على ترموستات داخل دورة المياه
2 - تركيب سربنتينة صغيرة على الخرطوم الواصل بين مبرد الفتيس و الرادياتير علشان تزود التبريد
3- تركيب وصلة او Convert مكان مبرد الفتيس نطلع بيها لمبرد اكبر ...يعنى هنلغى مبرد الفتيس الاساسى و نستبدله بواحد اكبر و اقوى عن طريق اننا نطلع من ال convert على سربنتينة اكبر بكتير من المبرد الضعيف دا
4- تركيب كولر عربيات زة ال C5 و دا بيبقى اكبر من الكولر العادى بشوية
5- تركيب مروحة اسانسير او سيرفر على كولر الفتيس