مشكلة ف بطارية كورولا ٢٠١٣ برجاء المساعدة
سلام الله عليكم ورحمته وبركاته
انا عندي مشكلة في الكورولا كالأتي
الكورولا زيرو ٢٠١٣ هاي لاين معايا بقالها سنة ونص طبعا البطارية سايلة مش عارف ليه
البطارية كانت زي الفل لحد ما في الشتا دة والكم يوم برد اللي فاتوا دول تركت السيارة ٣ ايام
بدون ما اشغلها وبعدها جيت اشغلها لقيتها نايمة
المهم اخدت توصيلة من بطارية تانية وشغلتها ورحت بيها مشوار
وبقت كويسة لكن دلوقتي بقت لو سيبتها يوم من غير ما اشغلها تنام وارجع اخد توصيلة علشان تشتغل
واوقات وانا باخد اللقطة من بطارية تانية متقومش علطول لازم افضل موصلهم مع بعض مدة
بصراحة بخاف من موضوع اللقطة من بطارية تانية بحسه بيقلب كيان العربية
فهل هي كدة باظت وايه اللي بوظها بسرعة كدة
مفيش حاجة بنساها شغالة
مركب جهاز انذار من اول ما جت
البطارية نوعها باناسونيك
لو هجيب بطارية اجيب جافة ؟ وانهي نوع افضل شئ؟
شكرا لكم جزيلا