السلام عليكم يا هنداويه.....حابب اشارك معاكم تجربتي لتبادل خبراتناربنا كرمني بهوندا سيفيك 2006 من 3 شهور العربية شكلها حلو ومصروف عليها جنوط 17 عريضه وتهبيط وعتب وفلتر رياضي وموتور متغير استيراد 1800 CCموديل 2011 وسحبها كويس ودي كانت المميزات لكن عيوبها ومن يوم ما اشتريتها كان فيها لمبة الماكينة منورة بسبب حساس الشكمان السفلي مفصول بسبب الفيشة ضايعة الار بي ام في السلانسية حوالين 0.700 وحساس بينزل لو أي شيء اشتغل بالرغم لما بتكون العربية باردة بيعلي ل 1.500 وينزل بالتدريج لما بتسخن ومشاكل في التكييف ضعيف وبيعمل حمل علي الموتور لدرجة ان الكمبروسر لما بيشتغل الموتور بيوطي قوي علي السلانسية وساعات بتبطل وكمان لما برفع الزجاج او اشغل النور العالي او ادوس فرامل برضه الموتور بيوطي واحيانا بيبطل زي وانا بهدي علشان اخد ملف غير صوت العربية العالي مع التزويد زي ما اكون مركب ديفيل وطبعا المشكله كانت مش ظريفة ومكنتش مستمتع بالعربية ومن صنايعي للتاني وكل واحد بفتوي مختلفة المهم نتيجه للبحث في المنتدي وعلي النت الكلام اتجه لمجموعة التغذية زي الهواء / البنزين / الكهرباء وكلها بعد الكشف كانت تمام فلتر رياضي جديد وبنزين تمام 95 ودينمو شحن ممتاز وبوجيات ايراديوم جديدة وغيرت كابل الارضي المتهالك بكابل جديد والمشاكل لسة موجودة !!!!في المنتدي كان فيه كلام كتيرعن تنضيف البوابه وحساس الهوا بتفاصيل كتير ومنتجات مختلفة وبالصور لكن كانت محتاجة وقت وقلب جامد للمخاطرةيوم الجمعة بعد الصلاه نزلت وكنت نويها فكيت حساس الهوا لقيته مترب !!! طب ازاي والفلتر الرياضي بيعمل ايه !!!! ولسة بفك الفلتر لقيت الماسورة كلها طلعت في ايدي اتاريه مفكوك من عند البوابة وكمان مفكوك من تحت عند الوصلة التحتانيه للفلتر !!! قبلها بيوم كنت اشتريت AC Delco منظف الكربراتير وكمان علبة WD40 وقلت اجرب ادور من غير الفلتر .....العربية دارت لحظات وبطلت ...... رحت راشش المنظف جوة البوابة وادور تتخنق وتبطل وكررتها كام مرة و كمان نضفت حوالين البوابه ونشفت كويس ويبعدين رشيت WD40 جوه البوابه ورجعت ركبت الفلتر كويس من عند البوابه وربطت الافيز فوق وتحت ومسحت الحساس بحرص وركبته مكانه وقلت اجرب !!!ودورت العربية ......بسم الله ماشاء الله ولا حول ولا قوة الا بالله كل مشاكلها السابقة اختفت تماما كالتالي::M_yes[1]:-الموتور صوته وطي بشكل ملحوظ-الار بي ام في السلانسية علي 0.900 وحساس لاي شيء يشتغل لكن بالزيادة الي 1.300 حتي ولو حركة بسيطة للدركسيون-التكييف اصبح ممتاز ومفيش حمل نهائي علي الموتور-سحب العربية كان كويس اصبح ممتاز-كهربة العربيه بشكل عام اصبحت ثابتة بشكل ممتاز مع تشغيل كل الاحمال (العربية فعلا فاقت ) في اقل من ساعة شغلاللي انا فهمتة من اللي حصل ان كان عندي مشكلتين بسبب عدم احكام الفلتر كالأتي :1- بيدخل هواء زياده للموتور(بكمية اكتر من اللي الحساسات بتقراه وبدرجة حرارة اعلي )2-الهواء الزيادة كان مش مفلتر (التراب سبب وساخة لمجموعة البوابة وخلاها مش بتستجيب للأحمال المطلوبة)النصيحة لكل اللي بيشتكي من المشاكل المشابهة عليك بتنضيف البوابه و اتأكد ان فلتر هواء الموتور نضيف وانه محكم كويس خصوصا من فوق البوابه علشان بتكون بعيد عن عنينا لما بتفحص الفلتر ومش مهم اذا كان رياضي اوغيره شكرا للجميع.المهمة تمت بنجاح :018A1D~146:....تحياتي من مكه J
