برج جديد

**Salah.El-Din** · 01-03-2015 12:24 PM

السلام عليكم ورحمة الله وبركاته
معلش عذرا
انا اول مرة اسكن فى برج
انا شارى شقة بالقسط فى برج جديد البرج مكون من 44 شقة واللى ساكن فعلى زيى حوالى 9 شقق بس والباقى يا بيشطب يا واخدينها تجارة
والبرج كله موصل على عداد تجارى
فطبعا كل شهر بيقسمو القراية على الشقق اللى ساكنة زى بعض واللى بيشطب بياخدو منه نص اللى ساكن دا لو رضى يدفع اصلا فيه ناس بتبلطج
من 3 شهور جابو بواب بياخد 1300 فى الشهر ودول برضوا بيتقسموا علينا زى الكهربا بس اللى بيشطبو مبيدفعوش
وبصراحة انا مستغلى الموضوع انا لسه شاب وببتدى وبدفع لسه قسط زائد انى اصلا حاسسبظلم فى موضوع الكهربا دا لان انا متجوز جديد وانا ومراتى بس اللى فى الشقة باقى الشقق عدد الافراد فيها ميقلش عن 4 وانت طالع
فانا كنت بفكر اطلعبرة حدوتة البواب دى خصوصا انه مبيباتش اصلا لان الغرغة بتاعته لسه متوضبتش وانا نبستفيدش منه بحاجة خالص فبالنسبالى فلوس على الارض
اتمنى حد فيكم يفيدنى بالله عليكم
البرج لسه علية مشاكل كتير اللى بناه هرب ومكملش تشطيب السلم والاسانسيرات وباع المحلات وخد الفلوس وخلع

**حسام الغرباوي** · 01-03-2015 01:05 PM

مفروض يبقي في اتحاد ملاك للعمارة ومفيش حاجة اسمها الكهربا تتقسم ومفيش حاجة اسمها يجي بواب ..اللي عايز يجيب بواب يدفع

رجاء ...حسن لغتك العربية

**أبو آسر** · 01-03-2015 02:00 PM

وعليكم السلام ورحمة الله وبركاته
أعتقد 1300 جنيه كتير على بواب مش بيبات في العمارة وبيشتغل ل9 شقق ساكنين بس ، أمال لو ال44 شقة سكنوا هياخد كام ؟ 5000 جنيه ؟!!!
غالبا البواب مش هيبقى ليه لازمة عند حضرتك غير في رمي القمامة لكن غير كده ملوش لازمة لأنه مش بيحرس العقار بالليل طالما مش بيبات فيه فانت شوف حد من بتوع القمامة اللي بيلفوا على الشقق ياخدها منك كل يوم وأعتقد مش هتدفعله أكتر من 50 جنيه في الشهر وممكن أقل حسب نظام المنطقة عندك
أما موضوع عداد الكهرباء فملوش حل للأسف غير ان حضرتك تقسم بالتساوي مع باقي السكان اللي ساكنين بالفعل لحد ما تشوف حل وتوصل عداد خاص بيك ، مع الأخذ في الاعتبار إن اللي بيشطب شقته لازم يشارك في العداد ولو بنصف اشتراك لحد ما يسكن يبقى يدفع اشتراك كامل ، لكن الموضوع ملوش علاقة بأن شقة ساكن فيها 2 وشقة ساكن فيها 4 لأن مش شرط إن استهلاك ال4 يكون أعلى من ال2 ممكن ال2 يكون عندهم تكييفات مثلا بتشتغل طول اليوم لكن ال4 معندهمش ، فمش هتعرف تظبطها ومفيش حل غير بتقسم المبلغ على عدد الشقق بالتساوي

الموضوع: برج جديد

LinkBack

أدوات الموضوع

عرض

برج جديد - انشر الموضوع فى :

-

المواضيع المتشابهه

احدث التجارب لتنظيف الموتور من الداخل كأنه بحاله المصنع جديد جديد

سامسونج جالاكسي كور gt-i8262 أبيض جديد وارد السعودية جديد تماماً

فيات جراند بونتو جديد و لا اوبل استرا مستعمله ؟؟(جديد ولا مستعمل عموما) !

فيات جراند بونتو جديد و لا اوبل استرا مستعمله ؟؟(جديد ولا مستعمل عموما) !

ارجو النصيحة لوجه الله انا لسه متعلم السواقة جديد اشترى مستعمل ولا جديد؟

الكلمات الدلالية لهذا الموضوع

المفضلات

المفضلات

ضوابط المشاركة