الموضوع: حل للصداع النصفى ياجدعان

بص ياسيدى انا عندى الصداع النصفى دة من زمان
هوه مالوش سبب محدد و مالوش علاج غير انك تتآلف معاه بالمسكنات .. بس تتأكد انه صداع نصفى وده
بيكون انك بتراجع دكاتره كتير لحد ما تتأكد ان سببة مش معروف فتعرف انه صداع نصفى
-تراجع على الأسنان وخاصة ضروس العقل ( لأن لو فى ميل أو مكانة مش مظبوط فى عصب إسمه العصب الصدغى
وده ممكن بيكون من أسباب الصداع وآلامة بتكون زى الصداع النصفى بالظبط )
-بتراجع دكتور أنف وأذن (تتأكد ان الحاجز الأنفى تمام ومفيش اى مشاكل ولا إنسداد ولا إلتهاب فى الجيوب الأنفية
ولا حساسية بتيجى و بتروح)
يتراجع دكتور باطنة ( ساعات أحماض المعدة و تقلصاتها بتسبب صداع و مشاكل الهضم و الأمعاء )
** لو عندك صداع نصفى هتعمل الأتى :-
--تظبط مواعيد أكلك و تخليك معتدل (ياعنى لا تملا معدتك ولا تجوع ، وخاصة الجوع ده لانة هيعجل بنوبة الصداع و هيزودها)
-- تقلل الطماطم و المكسرات و المسليات من لب و سودانى ..إلخ عامة لأنها بتذود نوبه الصداع و عدد النوبات ( ياعنى خالى الحاجات دى أقل ما يمكن )
-- لما تحس ببداية الصداع إبعد عن أى إضائة شديدة أو روايح نفاذة (حلوة أو وحشه ) أو أتربة او أصوات عالية لأنها هتذود الموضوع جداَ جداً .
طبعاً المسكنات هتأثر على المعدة وعلى جدار المعدة فحاول انة تتلافى أسبابة او انه يذيد زى ما قولتلك فوق عشان متاخدش مسكنات .
ومتاخدش مسكنات إلا لو حسيت خلاص انك كده كده داخل على نوبه الصداع .
بعد ما جربت أنواع كتير بقيت باخد (كيتوفان 50 ) رغم إن أضرارة كبيرة لكن زى ماقولت باخده لما ميكونش فى مفر .
فى معلومة أعرفها ان مينفعش تاخد مسكنات و معاها (لبن) لأن فى حاجة بتحصل لكن معرفش ايه هى مش فاكر الصراحة
طبعاً الكلام ده كلة بناءً على تجربتى الشخصيه وانا مش دكتور لكن بحكم التجربة .
وربنا يشفية و يشفى كل مريض لأن الصداع النصفى فعلاً صعب