اعضاء الموقع الكرام ،،
محتار جدا ما بين ٣ عربيات ، والتلاته مستعملين وفي نفس رنج الفلوس تقريبا
اوبل استرا موديل 2011 او 2012 هاتش باك كوزمو ( هاي لاين )
ام
هوندا سيفيك 2008 او 2009 Lxi
ام
فولكس واجن جيتا موديل 2008 او 2009 هاي لاين ( الفتيس القديم )
مع العلم اني كان معايا هوندا سيفيك قبل كده ، فأيه رأيكم ارجعلها تاني ولا اغير للأوبل او الفولكس
وياريت بعد اذن حضراتكم اللي هيختار عربيه يقول ايه اسبابه في اختيارها وسبب تفضيلها عن العربيتين التانيين
وشكرا مقدما لكم :) :)
الاوبل افضلهم بس المشكله في التوكيل و قطع الغيار القليله و المبالغ في سعرها احيانا و الجيتا قدمت اوي و مش هتلاقي حاجه بحالتها غير قليل اوي عشان العربيه بقالها 7 سنين في الشارع و مش هتلاقي غير كيلومتر عالي عشان انا كنت بدور من فتره و ملقيتش عشان العربيه بقت تجاريه اوي زي اللنسر كده كلوا عايز يقول انوا راكب الماني و خلاص و كمان بقي اللي يجننك ان ال2011 و 2012 و حالتهم حلوه بنفس السعر بس dsg الهوندا بقي مع واحد صحبي مفهاش اي ابشنز و مش بيعرف يركب غير واحد او اتنين بل كتير اوي عشان بتعلم علي المطبات بس فرامل ممتازه والسحب مفوش كلام و التوكيل اسعاروا قليله جدا و محترمين اوي و مش كلاب فلوس زي غبور , كل عربيه فيها ميزه و عيب و الاختيار ليك فل اخر شوف تقدر تتعايش مع ايه سواء ابشنز قليله او قطع غيار مبالغ فيها او عربيه ماشيه كتير او dsg الاختيار يرجعلك و الله اعلم
انت كده حيرتني اكتر :) :)اقتباس:
المشاركة الأصلية كتبت بواسطة meka1990
بس انا كمان ميال ناحية الاوبل ، مع اني مش بحب الهاتش باك ، والسيدان اسعارها عاليه
طب انت لو مكاني دلوقتي هتشتري اي واحده من التلاته دول ؟؟
ايه يارجالة المنتدى فين ارائكم
بصراحه انا ضد اني اقول هات استرا او هات سيفيك و الخ انا افضل اني اعرض و جهة نظري في كل عربيه و الاختيار للي هيشتري عشان كل واحد ادره بظروفه , انا كنت بدور في فئه ال 130 و فعلا كل عربيه فيها ميزه و عيب الاسترا مثلا شكل و كماليات اعلي بكتير من السيفيك و الجيتا يس بنفس السعر مش من فراغ بنفس السعر و يمكن الحاله افضل كمان عشان العربيه نادره جدا بالتالي التجار مش هيشتغلوا في قطع الغيار بتاعتها بالتالي مقدماكش غير التوكيل و اسعار منصور خياليه عشان كده الناس بتخلص منها , انا لو مكانك هشوف جيتا اعلي فئه تكون فبريقه بره و جوه و متزدش عن 80 الف كيلو , و السبب في الاختيار ان كده ابقي مسكت العصايه من النص خدت الابشنز اللي مش موجوده في السيفيك و في نفس الوقت انتشار قطع الغيار باسعار معقوله اللي مش موجود في الاسترا و لو الاختيار ما بين جيتا اول فئه يبقي هختار السيفيك طالما كده كده الاتنين فاضيين يبقي اخود قطع غيار ارخص مع اداء السيفيك الرياضي
ايه الكماليات الزيادة الي في الاسترا عن الجيتااقتباس:
المشاركة الأصلية كتبت بواسطة meka1990
انا كان قصدي شكل الجيتا و كماليات السيفيك عشان الجيتا شكلها كلاسيك بالمقارنه مع الاسترا و السيفيك
Civic 2009 is the best choice
لا بس انا اختلف معاك في ان الاسترا عربيه نادره ، بالعكس الاسترا الجديده انتشرت جامد و في اماكن كتير برا التوكيل بتبيع قطع غيارها ، صحيح مش زي الجيتا مثلا بس برده ميتقالش عليها نادرهاقتباس:
المشاركة الأصلية كتبت بواسطة meka1990
والسيفيك على فكره قطع غيارها غاليه برده واغلى من الجيتا اصلا ، كانت معايا وعارف اسعار قطع غيارها كلها
الموضوع فعلا محير ، الواحد عايز يجمع مميزات ال 3 عربيات في عربيه واحده ، يعني اذا كان عليا نفسي في عربيه فيها موتور السيفيك و تابلوه وخامات واوبشن الاوبل وارتفاعها عن الارض و انتشار قطع غيار ومراكز صيانه الجيتا
تتعمل ازاي دي بقى ؟؟ :) :)
اقتباس:
المشاركة الأصلية كتبت بواسطة mariachi
ممكن اعرف ايه اسبب حضرتك في الاختيار ، يعني شايفها افضل في ايه عن الاوبل والجيتا
الألماني ألماني.. رأيي أولا جيتا الفتيس القديم حالة جيدة، بسبب الانتشار والاعتمادية، الاختيار الثاني من وجهة نظري أسترا.. السيفيك تحك في المطبات بشكل رخم وبالتالي غير عملية في بلدنا الجميلة، كما أنها فقيرة جدا في الكماليات.. والله أعلم.