عرض للطباعة
الموضوع باختصار انى لما باكون سايق العربية ومشغل موجة ال fm على اذاعة معينة فجأة الاقى محطة تانية دخلت الغريب انها بتبقى اغانى شعبى قوى الكلام ده بيحصل كتير لو انا ماشى فى اسكندرية على البحر وحصل معايا على الطريق الزراعى الغريب ان المحطات لايمكن تكون رسمىة لان الاغانى بتبقى هابطة هابطة . حد عنده تفسير
عادي جدااااااا
الموضوع بسيط جداااا
كل الحكاية ان فيه عربية قريبة منك ومشغل جهاز ال MP3 بتاع الولاعة .. على نفس التردد بتاع الموجة اللي انت مشغلها
وعلشان هي قريبة منك فبتشوش على القناة الاصلية .
بعتبرها غلاسة منهم محبكتش يعني يظبط تردد ال mp3 على نفس تردد قناة في الراديو .
عربية معدية جنبك مشغلة mp3 وإنت بتلقط نفس الاشارة بتاعته
ودا عادى جدا
شكرا للاعضاء الكرام على التفسير وفعلا ماجتش فى بالى خالص
انا بيحصل عندي الموضوع ده كتير فعلا
مرة كنت راكب تاكسي
و كنا معاه mp3 و كان ظابط على التردد 88.7 و كان مشغل أغاني و في الإشارة كل شوية تلاقي السماعات شوية تجيب أغاني و شوية تجيب قرآن شوبة عمرو دياب على شوية شعبي كان الموضوع فرررررررح
الظاهر ان الرجالة كلها ظابطين على نفس التردد