الموضوع: تم الاعلان عن samsung galaxy s6 & s6 edge

المشاركة الأصلية كتبت بواسطة MRBEBO

مهي دي المشكله انا بحب سلسله النوت بس ال s6 جاي بتحسينات خليت النوت فور اقل منه ودي حاجه تخنق لما تشتري جهاز غالي جدا ويعتبر مش من الجيل الاحدث

فى رأى هيبقى فيه ٤ سلبيات فى ال S6 مقارنة بما قبله من عائلة الجالاكسي و النوت:
١- البطارية دائمة مش بتتغير و دى هتبقى مشكلة لو الموبايل بيقعد معاك اكتر من سنة و نصف
٢- مينفعش تزودله الذاكرة، يعنى لازم من الأول تشتريه بالسعة اللى انت عايزها زى الأيفون...و طبعاً لو اشتريت ذاكرة ٦٤ جيجا مثلاً هيبقى سعره غالى و ١٢٨ جيجا هيبقى نار
٣- اصبح الغطاء الخلفى مغطى بالزجاج هو كمان، صحيح شكله بقى حكاية و صحيح الزجاج ده gorilla glass 4 بس لو وقع وقعه محترمة....هيتكسر من قدام و من ورا و للأسف مفيش غطيان للتبديل لأنه الشاسيه قطعة واحدة
٤- عملية إصلاحه هتبقى صعبة جداً زى الأيفون لأن لازم دلوقتى تفك الشاشة علشان توصل للمكونات، غير النوت ٤ و ماقبله سهل الفك من الخلف عن طريق مسامير

لكن طبعاً شكله رائع و فيه تحسينات ممتازة سواء فى الكاميرا او البروسيسور او الجيلى بيين

تحياتى

من بعد الاعلان عن الاس 6 , مقارنة بالاس 5 تم ايجاد الاتى من مشاكل

1- البطارية اصبحت غير قابلة للازالة وكمان بقت 2550 ملى امبير , يعنى بقت اقل من الاس 5 اللى هو 2800 ملى امبير

2- مافيش كارت ميمورى , والذاكرة المتاحة بالسعر المعقول هتكون 32 جيجا , والصافى بتاعها هيكون 25 جيجا بعكس الاس 5 امكانية تزويد كارت لحد 128 جيجا غير الذاكرة الداخلية

3- خاصية ضد المياة والتراب اصبحت غير موجودة , ودية طبعا مهمة حاليا مابقتش رفاهية

4- usb 2 بدل من usb 3 زى الاس 5

5- شاشة qhd طبعا الشاشة دية بتسحب بطارية بطريقة رهيبة واى حد معاة نوت 4 هيعرف الكلام دة , وكمان من وجهة نظرى مالهاش اى لزمة لان مع الاختبارات مقارنة بالاس 5 مافيش اى فرق واضح فى الشاشة

6- الكاميرا 16 ميجا , مافيش فيها اى جديد بالعكس اتشال منها اوبشن كان موجود فى الاس 5 , وكمان صور الاس 5 افضل مقارنة بيها و ودة اللى قالتة كل المواقع مع الاختبارات مابينة وبين الاس 5 او النوت 4

7- شاسية مطابق تماما للايفون 6 , كان المفروض سامسونج طالما هتتجة لتحسين الخامات انها تعمل تصميم من ابتكارها مش تقليد

8- اداء التليفون فى نظرى ومع المقارنات , مش هيفرق عن اداء الاس 5 او النوت 4 , ولو فرق هتكون اجزاء من الثانية

9- السعر المغالى فية , اللى هينزل بية تقريبا هيكسر ال 7000 جنية للنسخة الاس 6 ال 32 جيجا

دية وجهة نظرى تماما عن الاس 6