افيدوني يا اهل الخبرة

**btob_3** · 02-03-2015 09:24 AM

السلام عليكم و رحمة الله و بركاته
ياحماعه انا معايا سيراتو 2011 كامله الجنط ال 16 يعني فيها كل حاجه عدا البلتوث و الستارت انجين
العربية عاملة تقريبا 69000 و كسور , من اسبوع كدا لقيت العربية فيها رعشه و صوتها مش مظبوط و مابتسحبش
روحت للمكانيكى بص على البوجيهات ة غيرها ة غيرت موبينة البوجيه التالت عشان كان فيها قطع و بتهرب كهرباء ..
الخميس اللي فات عملتلها صيانة
غيرت الاتى
فلتر هواء الاصلى
فلتر بنزين الاصلى
بوجيهات الشامبون الاصلية
سير المجموعة الاصلى
زيت فتيس موبيل 320
فلتر زيت الفتيس الاصلى
ونضفت الرشاشات عالكمبيوتر
و تنضيف البوابة و الحساسات وتم عمل اللازم
العربية بقى لسه مخنوقة و مابتسحبس و لازم اكبس بنزين جامد عشان تمشى و صوتها مش مظبوط و بحس ان صوت الماتور عالى مع السرعات و بين كل نقلة و التانيه الاربى ام بيهدى و ينزل مع نفسة من 2.5 او 3 مثلا الى 1.5 مع انى دايس نفس الدوسة و لو حبيت امشى و اشد حاسس ان العربية مش قادرة تمشى و لازم اتعافى عليها عشان تمشى .
اعمل ايه طيب

**mr_green** · 02-03-2015 09:49 AM

جرب تكشف كومبيوتر لو فيه أى Errors

ربنا يكرمك و تلاقى حل بس إللى أنا ممكن أقترحه إنت عملته - أتمنى حد يفيدك أحسن منى

**btob_3** · 02-03-2015 11:45 AM

الف شكر ليك ياباشا
هل ممكن يكون في ارور من غير ما لمبة الشيك انجين تنور؟

**ahmedelrayan** · 02-03-2015 12:23 PM

معنى انك تغير كل ده والعربية زى ما هى يبقى ده مالوش غير معنى واحد ان فى حساس من الحساسات فيه مشكلة

**mr_green** · 02-03-2015 02:17 PM

لو حساس معلق أو بايظ هايبان فى كشف الكومبيوتر إن شاء الله - إكشف يا باشا و عرفنا عملت إيه

**btob_3** · 02-03-2015 02:58 PM

انشاء الله هبلغكم . بس علي يوم الحد الجاي لاني في الشغل دلوقتي ..لو حد يعرف حد محترم في المعادي يبقي جازاه الله خير .بس اللي محيرني أن الشيك انجين مش مطلعه ارور خالص

**btob_3** · 03-03-2015 02:01 PM

مفيش ياجماعه حد عندو أي رأي ولا أي نصيحة

**btob_3** · 04-03-2015 09:54 PM

اعمل ايه طيب
روحت النهاردة التوكيل اللي في المعادي في تقاطع الدائري مع الاوتوستراد حطهها علي الكمبيوتر و عملنا تست مفيش اي حاجه . نضف تاني البوابه و الرشاشات و برضو العربيه مش مظبوطه و ديل الشكمان زي مايكون ففي صدا دا ماكانش موجود قبل كدا و صوت العربيه زي مايكون في كركره كده و مش مظبوط انا غلبت و الله

**mr_green** · 05-03-2015 09:25 AM

حيرتنى معاك و الله :( و زعلانلك

مش عارف أقولك إيه بس كده حلك تروح أبو رواش سمعت إن هناك فى مهندس كورى متواجد أيام معينه بيجيب من الآخر إسأل عليه و روحله و طمنا