السلام عليكم
عايز اعمل بدل فاقد لشهادة الجيش
وتقريبا مش معايا حتى صور منها :(
ايه المطلوب
والاهم ينفع اعملها من القاهرة وانا منطقة تجنيدى فى محافظة تانية ولا ايه
ولو ينفع اروح فين
عرض للطباعة
السلام عليكم
عايز اعمل بدل فاقد لشهادة الجيش
وتقريبا مش معايا حتى صور منها :(
ايه المطلوب
والاهم ينفع اعملها من القاهرة وانا منطقة تجنيدى فى محافظة تانية ولا ايه
ولو ينفع اروح فين
بص يا معلم انت مش بتحتاج حاجة
انت يا دوب بتروح ادارة التجنيد بتجيب استمارة بدل فاقد وتملاها
انا عملت كدة لما كنت مسافر برة مصر وخدت اعفاء نهائى وانا برة
فرجعت مصر بعدها بسنة وطبعا طلعت بدل فاقد
بخصوص حتة الادارة صدقنى مش عارف
بس خلى بالك تروح من 10 الصبح تكون فى الادارة لان الموظفين بيمشو 12 ونص ومش ليهم دعوة بحد
جزاك الله خيرا
بس كده هضطر اسافر لمنطقة تجنيدى كان نفسى يكون فى القاهرة مكان اسهل :)
خير ان شاء الله
انت اعفا ولا خدمت؟
لو خدمت هتروح السجلات العسكريه بس يكون معاك على الاقل الرقم العسكرى بتاعك او النموذج بتاع الاستدعا و هتطلع واحده
انت برنس
انا خدمت اه
بس فين بقى السجلات العسكرية ؟
وهل اكيد هيرضوا وانا من منطقة تجنيدى مش القاهرة ؟
السجلات العسكرية في مدينة نصر جنب ووندرلاند والحديقة الدوليةاقتباس:
المشاركة الأصلية كتبت بواسطة egyboy
ممكن قبل ما تروح هناك جرب تروح منطقة تجنيد حلمية الزيتون..متهيألي ممكن يخلصلك أي ورقة هناك
القاهره هى المنطقه المركزيه للجيش
اطلع على حلميه الزيتون وهم فاتحين من 7 ص ل 2 م
والطوارئ فاتحين باقى اليوم
هياخد بطاقتك ويعملك بدل فاقد وهتدفع 11 ج ويطلعلك واحده تانيه
ربنا يسهلك امورك
على ايامى الحلميه او السجلات حسب انت خارج بقالك اد ايه ... بس ايامى مكنش فى شبكات ولا كمبيوتر و كده فممكن الدنيا تكون اختلفت كتير
روح الحلميه و هم هيطلعوها او يدلوك الدنيا تمشى ازاى
ربنا يكرمكم يارب
جزاكم الله خيرا
تمام انا هروح اسئل فى حلمية الزيتون بس اروح ازاى (هروح على الساعة 5) ويارب يكونوا شغالين
انا هركب مترو من رمسيس وبعد كده اعمل ايه ؟؟
للاسف مصر مش عايزة تتقدم
لو بلد محترمة وبتفكر
كان زمان فى موقع على الانترنت ورقم تليفون للاستفسار
وبلاش اقول كان يبقى فى بدل فاقد من الانترنت كمان
خير ان شاء الله
امبارح رحت السجلات عشان اعمل بدل فاقد للمعافاه قالولي تروح منطقة التجنيد… السجلات للي قضوا الخدمة بس
يعنى انا اروح فين افضل
انا خلصت الخدمة 2012 خلاص
مين الاسهل والاسرع بدل ما اروح لوحد يبعتنى للتانى ؟
وهل محتاج اى اوراق قبل ما اروح
ولا البطاقة بس كفاية
وانا هروح الساعة 5 هلاقيهم شغالين ولا ايه-
الاوراق المطلوبه للحصول على بدل فاقد لشهاده التجنيد :
1- صورة من شهادة التجنيد بتاعتك
2- بون اسمه بون بدل فاقد وده سعره بيتراوح من 15 جنيه ل 30 جنيه
3- قلم ازرق :d
حتلاقي شباك الخزنه اللي حتجيب منه بون بدل فاقد وحيديك استماره لونها اصفر حتملأ بيانات الخانه الاولى منها فوق بس وهو حتلاقيه كله عن بطاقتك مكان استخرجها ورقمها وتاريخ صدورها واسمك طبعا بس كده ومتملأش الحاجات التانيه اللي بتكون مكتوبه تحت
وبعد كده بتروح الشباك اللي مكتوب عليه مكتب المراجعه وحتديه البون والاستماره الصفراء وصورة شهادة التجنيد وهو حيديك وصل عشان تستلم بيه بدل فاقد لأصل شهادة التجنيد وغالبا حيقولك تعالى بكره او ممكن كمان في نفس اليوم لو كنت جيتله بدري اوي الصبح
بس كدا بعدها عند نفس الشباك او احيانا عند الشباك اللي بره خاالص منطقه التجنيد حتاخد بدل فاقد لشهاده التجنيد