بعد اذنكم انهي افضل كيا سيراتو ٢٠١٥ هاي لاين ولا النترا ٢٠١٥ فولي لوديد انا تعبت خلاص من التفكير و ال مقلقني من سيراتو ان في ناس بتشتكي من ثبات العربية ارجو الافادة
بعد اذنكم انهي افضل كيا سيراتو ٢٠١٥ هاي لاين ولا النترا ٢٠١٥ فولي لوديد انا تعبت خلاص من التفكير و ال مقلقني من سيراتو ان في ناس بتشتكي من ثبات العربية ارجو الافادة
طب متشوف الفلوانس الفئه اللي فيها فتحت سقف و كل حاجه ارخص و تبقي ركبت عربيه انضف بكتير من الكوري و لو عرفت تحجز تست درايف هتفهم قصدي ايه بدل متجيب عربيه ورق و منظر علي الفاضي ده لو اعتبرنا ان الكوري منظر اصلن , و مش عايزك تزعل مني اني بتكلم كده علي الكوري انا اصلن راكب rb و مطلعه عيني و مسروق من اختي الانترا و مش مشكله لما الناس تجيبهم اول فئه بفتحت سقف و بلوتوث عشان عايزين ابشنز و خلاص لكن انت عايز اعلي فئه فحرام فيهم الفلوس طالما كده كده هتدفع
نصيحه بلاش تدفع المبلغ الضخم ده في كورى
انا بتكلم عن تجربه كان معايا النترا 2012 وبعتها وكنت بحبها جدا علشان كانت سريعه وخفيفه هي الجرى اوى وشكلها كان مشكله
لكن كنت عارف ان عمرها قصير والخامات تعبانه وكمان الامان مش موجود
حضرتك ممكن تشوف رينو او كروز او تيوتا
عن نفسى الالنترا طعمها مختلف جدا عن السيراتو
شكرا لحضارتكم علي اﻻفادة ال مخليني اشتري الكوري بالسعر ده ان قطع غياره متوفرة وباسعار معقوله عن التويوتا والرينو ليا صديق معايا الكوروﻻ الجديدة عربية وحش وكل حاجة بس بيقولي قطع غيارها غالية كده ده السبب ال مخليني عاوز اجيب الكوري
مع احترامي لكامل الاراء
السيراتو اختيار ممتاز واحسن من الالنترا في الثبات و الاوبشنز
وكمان الفلوانس كويسه بس يعيبها الطلعة ( بطيئة نسبيا)
لو بتفكر في السيراتو توكل علي الله >>> وان شاء الله مش هتندم
انا كان معايا نيسان جوك وبعتها بسبب الفتيس ال cvt وكنت محتار حيرتك دي و جيبت سيراتو هاي لاين في الاخر و حقيقي الحمد لله انسطت جدا لفيت على الالنترا و الفلوانس و الاسترا و الفوكاس و سمعت كلام حد ينزل من ياباني و يركب كوري وكلام بيوزعوها في الجمعيه بس بعد مااشتريت ماندمتش خالص ندمت ان انا ماجيبتهاش لما كانت قدامي و جبت الجوك عربيه هايله تقفيل هايل اوبشنز كتير واسعه قطع غيار مراكز صيانه في كل حته عايز تبيع هتبيع وانت حاطط رجل على رجل الالنترا شكلها هيتغير السنه دي و الفلوانس بطه الصراحه فتيس بطىء ونفس الوسع تقريبا الفوكاس ادخل على الجروب بتاعهم على الفيس كل العربيات ضاربه فتيس و الاسترا منصور الوكيل بتاعها حاطط على الناس .... توكل على الله و هتدعيلي بس ماتجيبش اقل من SX
سيراتو افضل عربيه في السوق حاليا في فئتها
انا ركبت الاتنين موديل 2015 ، كل واحدة لمدة شهر كامل لأني كنت بقارن بينهم
بصراحة الفرق بينهم مش كبير أوي بس الفرق في معظم الاحوال لصالح السيراتو زي التسارع و الاوبشن و العزل و التقفيل و الشكل الخارجي و الداخلي
الدخول والتشغيل بزرار
كراسي الكهربا
مثبت السرعة
شاشة نيفيجيتور وكاميرا الرجوع
ال 4 حاجات دول شوفهم في اي عربية منهم واشتريها فورا
----------- قطع الغيار والصيانة وسعر اعادة البيع وسعر تصليح حادث كله سيم سيم في اي موديل -----------