هيونداي سوناتا 2015

**marvanwaleed** · 03-03-2015 06:39 AM

السلام عليكم اعضاء الرابطة الكرام معلش انا عايش بدولة الامارات وعندي سؤل انا حابب اشتري عربية من هنا هستخدمها فشغلي وبعدين انزلها معاي مصر وكنت عامل رنج معين ان العربية الي هجبها تكون فحدود 70 او 72 الف درهم اماراتي وبصراحة كانت افضل عربية بالنسبالي فرنج السعر دة هي الهيونداي سوناتا 2015 الشكل الجديد وعاملة حوالي 69 الف درهم وفيها كل المواصفات الي انا محتجها ومش موجودة فعربيات تانية بنفس القيمة بس خايف اجبها وميكونش ليها سوق فمصر من ناحية الصيانة وقطع الغيار لاني مش شايف ولا موضوع ليها فارجو الافادة اخلص فيها ولا مش هتنفع معاي فمصر بس للامانة العربية عجباني وشكلها فخم جدا من جوة ومن برة وحاسس انها عربية مميزة فحجات كتير مع العلم اني هستخدمها هنا الاول حوالي سنة او سنتين قبل منزلها مصر وشكرا لكل من هيساعدني باي معلومات عن العربية دي

**ENG.MaRk** · 03-03-2015 09:17 AM

العربية تحفة بس سر عدم انتشارها في مصر هو سعرها المرتفع (هي غالية بالنسبة للشعب المصري جداً) ... حاول تشوف حاجة أوروبي في نفس الفئة و لتكن فولفو s80 مثلاً علشان لما تيجي تنزلها جماركها هتكون قليلة و كمان ليها سوق في مصر ... تحياتي :)

**aymanshebl** · 03-03-2015 09:25 AM

توكل على الله العربية مش هتلاقى زيها فى الاوبشنز بس المشكلة ان ما فيش منها فى مصر

**MaZaGAngeE** · 03-03-2015 02:42 PM

في مصر سعرها فوق ال 400 الف
بالسعر ده الناس بتفضل فولفو او بي ام او مرسيدس ..
سوناتا هي العربية اللي عملت قفزة كبيرة للشركة…

**Hosam_Optrawy** · 03-03-2015 08:58 PM

جمركها هايكون عالى جدا

شوف حاجه ماتعديش ال 1600 سى سى

**aymanshebl** · 04-03-2015 10:15 PM

جينسيس ايه اللى فى مصر انت فى مصر

**Hassan Khalil** · 04-03-2015 10:28 PM

المشاركة الأصلية كتبت بواسطة Hosam_Optrawy

جمركها هايكون عالى جدا

شوف حاجه ماتعديش ال 1600 سى سى

+1111111
ده كلا م مظبوط .. السوناتا بتبدأ في مصر من 440000.. جمركها حيكون عااااالي جدا علشان فئة المحرك 2000 سي سي
.. حتضايقك بعد كده في الصيانة و قطع الغيار و مبلغ الضريبة عند التجديد و اكيد أسعار الوقود و أخيرا في البيع عند الحاجة ..
الشاهد في الموضوع .. هات أي عربية تعجبك لا تزيد عن 1600 cc
بالتوفيق

**marvanwaleed** · 05-03-2015 08:18 AM

هي دي المشكلة الاساسية موضوع الجمارك لأن العربية هنا نازلة بمحرك واحد لكل الفئات 2400 سي سي يعني الواحد مش هيقدر علي جمركها هيكون قد ثمن العربية احاول افكر ااني فحاجة اقل

**amr_naser** · 05-03-2015 08:36 AM

اركب اللى يعجبك ويدخل مزاجك وانسى مصر تماما
ولما تيجى تنزل مصر ابقى شوف اية مناسب لك تشترى عربية تنزلها مصر ولا تشترى من مصر
عاوز برضة تجيب عربية من دلوقتى لمصر طيب بص يا سيدى
اولا العربية لازم تكون منتشرة فى مصر
ثانيا لازم تشوف نظام الجمارك وتحسبها كويس واكيد حتدفع اكتر من الحسبة
ثالثا المفروض ان الجمارك حتقل على السيارات وبعد 5 سنين حتكون صفر بس دا على السيارت الاوربى بس طيب اية حيصل محدش يعرف لسة ولا نعرف كمان الضرايب حيعملوا فيها اية بس لازم تتوقع ان فية حاجة حيقلبوا بيها الناس كالعادة
رابعا لازم تخلى بالك من نوعية البنزين وكمية الاستهلاك كويس جدا وقطع الغيار والصيانة
خامسا فاضل كويس بين مميزات انك تشترى من مصر او من برة مصر