الموضوع: قول و أوعى تكدب

مره واحده بس والحمد لله لاني مستحيل أقف صف تاني ولو اني ممكن اقف ساعات في الممنوع او في حته ماكنش اعرف انها ممنوع بسبب عدم وجود يافطه كالعاده.
والمره الوحيده كنت حكيت عنها قبل كده في كونتاكت :
كنت بوصل والدي للمطار الجديد
معروف طبعا انه مسموح لك تقف بالعربيه امام صاله السفر لتنزيل الحقائب لمده 2-3 دقائق وبعدين تمشي علشان الزحمه وتدي فرصه لعربيات غيرك وهكذا
علي غير العاده المره دي المطار كان فاضي جدا وعدد العربيات 15-20 في المكان اللي بيقضي 50-60 عربيه
فنزلت الشنط كالعاده ودخلت جوا صاله السفر 3 دقائق بالظبط أوصل بابا
رجعت لقيت العربيه متكلبشه!!
طبعا امين الشرطه فضل يساومني في فك الكلابش
وفي الاخر اخد 30 جنيه
اللهي يتحرق بيهم هو واللي مشغله

أنا اتكلبشت ثلاثة أو أربع مرات -- تحت البيت ... أنا ساكن فى شارع متفرع من شارع رئيسى و الشارع الفرعى دة بيبقى زحمة جداً و مظلم ليلاً و كمان العربيات ممكن تتحك فيه بسهولة عشان ضيق ... فبأركن فى الشارع الرئيسى لأن الركنة فيه أأمن بكتير و [اكون شايف العربية من الشباك بوضوح ... و اجمالى الغرامات اللى دفعتها بسبب كدة فى مدة سنتين كاملين 75 أو 100 جنيه مش فاكر بالضبط ... أرخص و أحسن بكتير من أى جراج! و الونش أنا عارف مواعيده كويس و مش بيعملى تعطيل ولا حاجة عشان مواعيده مضبوطة على مواعيدى ... أول ما بأسمع صوته بأنزله و أدفع الغرامة و يتفك الكلبش و تفضل العربية راكنة فى أمان :))

أنا شخصيا ( صاحب الاستفتاء ) ليا مواقف جامده مع بتوع الشرطه
[]الموقف الأول :-
size=18]]كنت راكن زى خلق الله جنب كافيه ترينون اللى فى جامعة الدول و اما خرجت مع صحابى من الكافيه لاقيت عربية ابويا ( لأنى كنت لسه مجبتش عربيتى ) اتكلبشت والعسكرى أول ما شافنى جه وقف جنبى و فضل يبصلى قمت ندهتله و قلتله هات الزفت و فك الكلبش يا حيوان و حظى انى كنت شايل شعرى ساعتها و معايا كارت من واحد لسه متخرج من كلية الشرطه قمت اديته للعسكرى و قلتله اديه للظابط اللى معاك شويه لقيت واحد معلق حاجات كتيره على كتفه يعنى كان فاضله عسكريين و يحارب المهم جاللى و اعتذرلى و قاللى متأسفين جدا ... لو كان طلب بطاقتى كان هيكشف اللعبه و كنت هروح ورا الشمس [/size]

الموقف التانى :-
كنت راكن فى شارع شهاب فى المهندسين كنت بشترى لبس المهم كل الناس راكنه صف تانى و لقيت مكان واحد بس فاضى برضه صف تانى بين بى ام و مرسيدس قمت راكن فيه و اشتريت حاجاتى و اما رجعت لاقيت العسكرى واقفلى جنب العربيه قال أيه صف تانى طبعا انتوا فاهمين هوه قال يتشطر على بتاع الفيات اللى هوه أنا المهم مردتش عليه و ركبت عربيتى و طلعتله الكارت بتاع الظابط اللى أنا قلتلكوا عليه قبل كده قام بقدرة قادر اتقلب عيشه و كان هيعيط عشان معملوش مشاكل المهم رجعلى الكارت و وقفلى الشارع ( شارع شهاب ) عشان اطلع بالعربيه براحتى و قلتله احترم نفسك بعد كده و افتكر شكل العربيه عشان لو حصل ده تانى و الله هعلقك و طبعا خدمنى موضوع انى كنت شايل شعرى فى الوقت ده

نصيحه شيلوا شعركوا و شيلوا معاكوا دايما كارت واحد ظابط تعرفه أو حتى متعرفوش و أوعى تخاف من أى موقف تتحط فيه مع الناس دول بس لو وقعت الطوبه فى المعطوبه أنا ماليش دعوه

انا الحمد لله عمرها ما اتعملت معايا ابدا علشان مش بركن مخالف خالص.لا في القاهره ولا اسكندريه ولا اي مكان