قول و أوعى تكدب

**samehafez** · 18-05-2008 03:05 PM

الموضوع ده جامد جدا ... بس فيه جزئيه مش باينه فيه ... هل عربيتك اتكلبشت في مكان ممنوع الركنه فيه فعلا و لا في مكان عادي و ده كان مجرد لم اتاوات ملهاش علاقة بمخالفات او غيره
طيب لما تقف في الممنوع و العربة تتكلبش و تفكها بتدفع فلوس ... غرامة يعني طيب بتاخد و صل بالغرامة .... ثم ان تقريبا المخالفات الفورية اتلغت ...و طالما مطلعشي وصل يبقي الفلوس دي راحت فين ...
سوال برضه هتصر يتعملك مخالفه و تروح تدفع في المرور و لا تدفع الاتاوه و عربتك تتفك وقتي و تنجز ؟؟؟

**kingnoro** · 22-05-2008 12:51 AM

عمرها متكلبشت بس مرتين كانت حاتتكلبش لاني كنت راكن ادام محل بس ولاد الحلال نبهوني ان الونش وصل

**onsi** · 24-05-2008 02:47 AM

انا حصلت مرتين وانا فى الشغل مرة فى شارع نوال ومرة جنب السجل المدنى بتاع العجوزة اول ناصية من ش نوال
الاولى رحت للبية الظابط كان نقيب وقالى حضرتك شغال فين؟ قلتلة موبينيل
قالى موبينيل!! طيب يا عم فين العروض بتاعتكو؟؟ وقعدت اشرحلة واجاوبلة على 20 سؤال وبعدين قال للعسكرى روح مع البية فكلة الكلبش
والمرة الثانية الظاهر انة طلع فودافون وقاللي راكن فى الممنوع لية يا استاذ.... ودفعت وقتها 20 جنية وقالى مع ان المفروض اسحب رخصتك لانها كمان منتهية بس عدت والحمد للة.

**Amrrr** · 05-12-2008 11:51 AM

مرة واحدة كانت هتتشال بالونش عشان الباشا معدي وبيشيلوا العربيات اللي في سكة التشريفة مع اني كنت راكن في البارك اللي قي ظهر ألفا ماركت عتد عمارات العبور

**KING_LEDO** · 05-12-2008 04:11 PM

في مرة واحدة كت في الأسكدرية في المنشية و مش عارف رجعت لقيتهم كلبشوا عربيتى من دون كل اعربيات في نفس المكان (ملاكي البحر الأحمر) فضلت الف المدام اتصلت بعمها (صاحب معرض عربيات بالأسكندرية) قلها عادي دوري على عربية المرور وقوليلها كلمة السر
وجدت عربية المرور جنب العربية من الناحية الثانية السلام عليكم هو رد عليه انت بتاع البحر الأحمر قولتله اه قالي عربيتك تعبتنا خالص قولتله و انا تحت امرك اديته 20 جنيه قالى كده نعملها مخالفة اديته كمان عشرين قالى نمرتك كام علشان نعمل المخالفة لنمرة ثانية
!!!!!انا قريت الرقم 4143 قام هو كاتبها 4341 و قالى اهه ات في السليم و لكن سبحان الله انا دايما بقرأ م اليمين للشمال عكس الناس فهو لما عكسها اتكتبت النمرة صح و اخذت المخالفة انا و محدش الحمد لله اظلم !!!!!

**mrghost** · 05-12-2008 06:51 PM

المشاركة الأصلية كتبت بواسطة H.ibrahim

الحمد لله العبد لله دايما بيحاول يركن فى فى مكان مسموح فيه بركن السيارات حتى لو اضطريت انى اركن بعيد عن المكان اللى انا عايزه :lol: :lol: :lol: :lol: :D

انا بحاول اعمل كده علطول وربنا بيسهل