عرض للطباعة
هو الطبيعى إنك لما تفول عربيتك تشم ريحة بنزين جوه العربيه بعد التفويله؟؟؟
أنا مكنتش بلاحظ كده فى الأول بس بلاقى فتره كل ما أفول العربيه أشم ريحة بنزين قويه جوه العربيه مش عارف ليه؟
هل فيه حاجه مفتوحه بتخلى ريحة البنزين تدخل جوه العربيه؟؟؟؟
أفيدونى بالله عليكم
جوان غطاء تانك البنزين او الغطاء محتاج يتربط كويس
والطبيعي متشمش اي ريحة بنزين نهائيا داخل العربية ف اي وقت
الموضوع ده كان بيحصل معايا في ال128 وبعت العربيه من غير ما أعرف السبب ..وكنت كل ما أسأل يتقالي..ما هي عربيه قديمه برضه..بس كان فيه حاجه بعملها كانت بتقلل من المشكله دي وهي ربط الغطا بتاع التانك كويس قوي والتأريييط عليه جامد بعد ما أطلع من البنزينه ..لكن الأصول الموضوع ده ما يحصلش
حضراتكم تقصدوا غطاء التانك الخارجى ولا فيه غطا تانى من جوه العربيه؟
يا باشا التانك ليه غطا واحد ..ولو العربية كاربراتير إتأكد من توصيلات الخراطيم اللي واصله ليه ..وبص على فلتر ا لبنزين ..اقتباس:
المشاركة الأصلية كتبت بواسطة abo hur
غطاء التانك اللى جوا العربية تحت الكنبة الخلفية , اللى بيربط طرمبة البنزين
اقتباس:
المشاركة الأصلية كتبت بواسطة abo hur
بعد ما تفول على طول
لو
شلت الكنبة وتشيل الصاجة اللى شبه الطبق الالومنيوم هتلاقى بنزين تحتها
ليه
لان الجوان غير محكوم بتاع مجموعة طرمبة البنزين
الحل
ياتحكمها انت ...... يا تخلى الميكانيكى او الكهربائى يحكمها
اقتباس:
المشاركة الأصلية كتبت بواسطة carrier
أعتقد إن كلام الأستاذ Abo Hur مظبوط
جوان طلمبة البنزين اللي تحت الكنبة .