و اخيرا العربيه دارت (العربيه اللي كانت مسروقه)
انا عملت موضوع قبل كده كنت بسأل فيه اعمل ايه بعد ما العربيه رجعت بس انهرده انا هحكي كل حاجه لان العربيه خلاص دارت
اولا و قبل اي شئ احب اشكر كل رجاله الاوبل اللي ردو علي و نصحوني و مسابونيش لايص كده الف شكر لكل واحد رد على و اعتبرني اخوه الصغير
الموضوع من الاول هو
العربيه كانت مع والدي و و هو ماشي وقفت قدامه عربيه نصف نقل نزل منها 2 بسلاح و اخدو العربيه و هي دايره و و احنا في القسم علشان نعمل محضر و بعد 4 ساعات كانت الساعه 12.5 بظبط جالي تلفون ان العربيه موجوده دلوقتي في قسم السلام (الحمد لله العربيه رجعت ) و طبعا ابلها الحمد لله ان ابويا بخير و محدش لمسه رحنا علشان نستلم العربيه و وجدناها مكسره من جوه الكونتاكت متكسر بالكامل و الاسلاك كلها طالعه من تحت الطاره و الاكص\ام اللي قدام واقع و طبعا اخدوا السي دي بلاير المهم كلمنا ونش و شلناها علي الجراج
في صور لكل حاجه بس مش عارف انزلهم
المهم بعد اسئله كتيير و في المنتدي هنا و بره و تدوير في الحرفين و بعد ما جبت كونتاكت و طلع بايظ و رجعته
جبت القطمه كامله بكل اللي فيها من عند العايدي ب 700 جنيه طاره مالتي فوكسهول
و رحت لبتاع المفاتيح برمجت الايمو و ظبطنا كل حاجه و انهرده تم التركيب و العربيه دارت الحمد لله بعد اسبوعين ركنه
فرحه كبيره خصوصا اني كنت خايف تكون جابت كونترول
ده كل اللي حصل و بشكر الناس اللي في المنتدي هنا تاني و تالت و رابع
عندي سؤال اخير و وعد مش هدوشكوا تاني :d
انا عندي الكاست الاصلي ركبته اعد يعمل سيرش و مش مطلع صوت هو كده عايز ادخله الكود ؟؟ ازاي اصلا ؟؟
و سؤال كمان المالتي مش شغال معاه الكهربائي بيقول العربيه مش مجهزه لكده !!!!
في برده صور لكل حاجه لكن مش عارف انزلها لو ممكن ابعتها لمنسق المنتدي و هو ينزلها اكون شاكر جدا
و اخيرا اتمني ان يكون في حد استفاد من اللي حصل معايا زي ما انا استفدت و اخدت خبره قليله