-
تعديل عفشه اكسنت rb
انا معايا اكسنت 2013 و غيرت المساعدين في التوكيل و برضوا العفشه خفيفه اوي و اصوات هبد من المساعدبن محسساني اني راكب عربيه بقالها عشر سنين و يسالام بقي لو بعدي من فوق مفصلات كوبري اكتوبر او عيون القط بحس ان العربيه بتنهار , فاكنت عايز اغير المساعدين بس المشكله ان لو جبت الاصلي بتوعها هبقي بعيد نفس التجربه الفاشله فاكنت عايز اعرف لو في ماركه تانيه يركبو عليها او اي حلول عشان انا فعلا كرهت العربيه و مستعد اعمل اي حاجه عشان العفشه تبقي زي عفشة الفيرنا حتي انا مش طماع :]
-
كأنك بتحكي اللي بيحصل معايا في الالنترا
اصوات الهبد وعين القط ومفصلات الكباري .. حاجة زففففففففففت خالص
فعلا تحس انك راكب عربية قديمة عفشتها تعبانة
لو فيه حل للعفشة دي هتخلي العربية ممتاذة
-
انا بفكر فى تغير مساعدين مونرو
وتغير سوست اقوى او اطول شوية زى سوست السيراتو الشكل القديم
-
انا امبارح نزلت سالت علي المونرو عند الموزعين بتوعها كلهم بيقولوا منزلسش للاكسنت الrb واخر حاجه نزلت كانت للنيو اكسنت و متركبش
-
-
انا نزلت يوم الجمعه عملت الصيانه في توكيل العبور و بعد كده روحت غيرت الكاوتش و الجنوط الحديد ب جنط حديد بردوا بس 15 بدل ال14 و ركبت كاوتش هانكوك فينوس ME01 195/55 r15 العربيه اختلفت 180 درجه بقت انعم بكتير و صوت الاسفلت اللي الواحد كان بيبقي سامعوا ده اختفي خالص وعيون القط و المفصلات مبقتش تحس بيها و الفرامل و الثبات حاجه تانيه خالص و طلع الكاوتش ده بيفرق جدا و اول مره اعرف ان في كاوتش لل noise و ال comfort مخصوص الخلاصه ان العربيه بقت حاجه تانيه خالص و دفعت 2500 و دخلت الجنط الحديد اللي كان راكب في ال 15 دفعت 500 في الجنط و 500 في الفرده و الراجل رشلي الجنط الحديد اسود و فرقت في الشكل كمان
-
لو حد هيغير الكاوتش قريب يجرب الحل ده و مش هيندم عشان العربيه فعلا بقت عربيه تانيه في نفس نعومه المازدا 3 2010 و العزل بقي احسن كمان محدش يسالني ازاي
-
جنط 15 بتاع عربية معينة ولا اية بالظبط يا باشا
-
ممكن اعرف الفرده سعرها كام؟
-
Content Relevant URLs by
vBSEO 3.6.0 PL2