مالك جديد ومحتاج مساعدتكو ..
السلام عليكم ،
انا اشتريت اسبيرنزا a516 - 2007 ماشيـه 120 الف كيلو وقبل ماشتريها وديتها لميكانيكي خد بيها لفتين ورفعها ونزل تحتها وقالي العربيه زي الفل محتاجه بس تغيير زيت ..
قلت عالبركه واشتريتها بـ 37 الف جنيه
اول استفسار هل السعر كويس ؟ العربية راشيه حظام نظافه وفبريكه جوه ؟
تاني استفسار العربيه لما اجي اديها المرشدير ،، الغيار بيفصل وبالعافيه بيلقط ،،
ثالث استفسار ساعات عالغيار التاني والثالث العربيه بتنتش على خفيف عامل زي صوت لما يكون في ميه في التنك ،، وحوار ده بيحصل لما اكون ماشي على مهلي ،، انما لما ادوس بنزين واشد ،، ماتبقاش موجوده كل ماروح لميكانيكي يقولي حاجه شكل
رابع استفسار ، عايز اغير تسجيلها وسمعات البيبان والسمعات الخلفيه ،، اغيرها بايه وفين والسعر التقريبي ( التسجيل مش شغال لا راديو ولا كاسيت ولا سي دي ) ..
الاخير ،، عايز ميكيانيكي متخصص في اسبيرنزا ،، اتعامل معاه دايما التوكيل حراااقه اووي اسعاره
وشكرا جزيلا مقدمـآ