تقييم شامللــ النترا 2015 .

**محمد ابراهيم 9** · 22-06-2015 07:19 AM

انا ناوى اجيب النترا بس كتير خوفونى من موضوع السرقات لانها بتتسرق بسسهولة جدا .. حد يعرف يفيدنى فى الموضوع دا يا جماعة واشمعنى الالنترا بالذات؟!!

**mohamed_berlit** · 05-07-2015 10:17 AM

المشاركة الأصلية كتبت بواسطة محمد ابراهيم 9

انا ناوى اجيب النترا بس كتير خوفونى من موضوع السرقات لانها بتتسرق بسسهولة جدا .. حد يعرف يفيدنى فى الموضوع دا يا جماعة واشمعنى الالنترا بالذات؟!!

طبعا موضوع السرقة دة ممكن يكون فى اى عربية ولكن اللى اعرفة ان النترا بداية من 2014 خلت كل الفئات متوفر بها نظام ايموبلايزر ضد السرقة والله اعلم

**hemida007** · 07-08-2015 12:34 AM

السلام عليكم جميعا
ربنا يديلك خير العربية ويبعدك عن شرها
انا معايا 2012 من شهر اغسطس 2011 خليجي اماراتي 1.6 أوتوماتيك الفئة الثانية بدون فتحة سقف او جنوط او حساسات نظرا لكوني عايش برا مصر مؤقتاً وصلت معايا 67000 كم الان
بصراحه من ساعة ما جبت العربيه لحد اول 5000 كيلو ملاحظتش اي ملاحظه من دول ووجود لمبة ال 120 موجوده بتضيئ بانتظام عند 120 واعلي وتصدر أصوات أول 5 ثوان فقط مش عارف بقي ازاي عندك مختفية ؟ ! يمكن الوكيل المصري طلب منهم ازالتها من دائرة الحساسات في الفئة الأساسية ! واستفاد ايه هو لما عمل كده ؟ موضوع بالنسبه لي عجيب جدا !
حزام الامان يعطي تحذير لمدة 5 ثوان ايضا ولكن بصوت اعلي
العفشة عند الانحنائات السريعة بتسمع فيها تزييق شوية ولكن بعد فترة بتتعود عليه بالذات انه مش مزعج للدرجة يمكن احنا هنا مطباتنا ف الامارات مدروسة فحكمي علي العفشة مش هيكون منصف
انطلاق السيارة من الثبات بصراحة ممتاز-ماشاء الله-مع العلم اني كان معايا باسات 2.0 اوتو مو 2006
فهي تنطلق أفضل من السيراتو الشكل السابق نفس سنة الصنع نظرا للجير الرياضي الجديد لالانترا وتتاخر عند عمل التكييف بالذات في حراراتنا ال 50 !
صوت كاسيت السيارة في الفئة الثانية ممتاز علي عكس كلام البعض والسماعات صوتها رايق برضه مقارنة بكورولا وسيراتو نفس سنة الصنع ايضا
الفرامل abs ebd هنا ف كل الفئات وغير مسموح ان عربية تنزل من غير وسادة ع الاقل للسايق نظرا لتشديد قواعد السلامة علي الاستيراد ... والفرامل تجميعها ممتاز تحت 120 كم في وجود تكييف او عدمه
العربية اصلا مش محتاجة تسخين بناء علي كتيب المالك ولكن 5 ثوان من السويتش لحد اللمبات كلها ما تطفي والصوت يروح شغل باذن الله وتوكل علي الله في خلال 30 ثانيه ومن غير بنزين ع البارد لان ده مضر جدا
صوت الموتور فعلا عالي صباحا في اول انطلاقه ولكن طول اليوم هادي الا عند عمل التكييف يمكن سماع صوته مع البنزين
استهلاك البنزين نفس حدود الشباب اللي كتبو قبلي اللتر يمشيك 10 ك ف المتوسط زحمه وسرعه وده يعتبر مش بطال مع الامكانيات اللي ف العربية
الزراير الداخلية شكلها ممتاز ولكن موادها بلاستيكية رديئة هما زودوا البلاستيك شوية علشان تنزل بالسعر ده لو كانوا عملوا جلد طبيعي كانت ولعت 0(:
الغلطة اللي عملتها ف العربية باذن الله اكتبها لكم ف موضوع اخر
ولكم جميعا ولمنتداكم الجميل كل الاحترام والتحية

**ahmedgamal1962** · 26-08-2015 01:34 PM

انا معايا اكسينت ار بى 2012 اتوماتيك والجنوط الفيها مقاس 14 وعايز اركبلها جنوط اسبور متضرش العربيه البدج الفقايم العربيه ناحية السائق مكتوب مقاسين مقاس الحديد الفيها والتانى 195/50R16 gالمفروض انها جنط 16 طب هل لو جيبتو المقاس كامل بالظبط وهل هعلى العربيه ووحش ولا كويس عشان فى ناس بتقولك متجيبش مقاس اكبر عشان العبشة وكلام كتير يقلق وارجو الرد بسرعة اجوكم العربيه كشفت عليها مساعدين ققالولى لسا جديدة ومفهاش حاجة وهيا بتحك فالمطبات وانا محمل وانا بموت وهيا بتحك اتمنى الرد ارجوكم شكرا ليكم

**SHERIF N** · 30-11-2015 01:49 PM

انا معايه العربيه من شهر 2 سنه 2013 وطبعا كل اللى مكتوب صح مفيش كلام
هى فعلا تقيلا فى بدايه الحركة يعتبر تجميعها بطيء شويه
وموضوع الفرامل دة انا بشتكى منه لحد ما غيرت الكاوتش وركبت بريدجستون يابانى ودة فرق كتير جدا معايا العربيه بقت بتقف فى مكانها مش بتزحف وتحكم وتوجيه افضل بكتير فى الملفات وعلى اى سرعه
وكنت ملاحظ صوت العجل بعد سرعه 80 او 100 وطبعا اختفى مع الكاوتش الجديد
استهلاك البنزين ممتاز لو قارنت باى عربيه تانيه

**rozar** · 12-12-2016 10:04 AM

ان فكرت الكلام ده عندي بس ده طلع عند كلو انا بردو معيا النتر md 2016 نفس المشكله الدواسه بتاخد وقت شويه علشان العربيه تجمع و لمبه التحزير مش موجوده في الخليجي الفائه التانيه متهيئلي انا معيا العربيه خليجي و مش عارف اعمل صيانه يخونه ساعدوني