-
رغشه نور السيراتو 2015
اولا انا بقيت اخاف اكتب مشكله هنا لان بلاقى الناس كلها بتنحاز مع العربيه واكنى سياره كيا خاليه تماما من المشاكل والعيوب
ثانيا اشكر الناس الى ساعدتى قبل كده فى مشاكلى سواء كانت الكيا او غيرها من السيارات
المشكله -
عندى رعشه عند الوقوف على السلانسيه سواء d او n او p باختصار والسياره واقفه تقريبا بتظهر فى نور الصالون
العربيه خليجى ومحدش يقولى روح للتوكيل لانى روحت فكو كابل البطاريه ورجعوه تانى والمشكله الا تظهر الا بليل والتوكيل اخره الساعه 5 وانا فاقد الامل فيهم لانهم حاسس الضمان ده ولا ليه لازمه وشايف مشاكل ناس كتير ومتحلتش فى معظم السيارات فانا بريح دماغى
ملحوظه المشكله ده اكتشفته وانا بركن تحت البيت وكان فى ورق فى ايدى بقرء فيه ولاحظت عدم ثبات النور ومع تزويد بنزين تروح وترجع لما ار بى ام يرجع تانى
ياريت حد يقولى على حل ممكن يكون عمله
لانى سمعت كيا الشكل قبل الجديد كان فيه المشكله ده
ولو حد من الاعضاء ظهرت عنده المشكلى ده ياريت يقولى واتصرف فيها ازاى
شكرا للجميع
-
أخى الفاضل أعتقد دى مشكلة بسيطة ممكن من فيوز مش متثبت كويس أو حاجة و أعتقد و الله أعلم الكلام ده بيظهر فى الخليجى أكثر لأن المعارض بتلعب فى العربيات أحيانا
ماتخليش عيب عبيط يعكنن عليك فى عربيتك أنا جربت نفس مشكلتك دى إنى أتوسوس من عربيتى و أسمع كلام الأصدقاء و الناس كرهت العربية و حسييتها أسوء عربية - ده كان زمان - بعدها بقيت أركز مع إللى بيعلقوا دول و أشوف عربياتهم و مشاكلها حسيت قد إيه الناس وحشة و بتكرهك فى حاجتك عشان هى أحسن من حاجتهم
أنا سوقت مرسيدس إس 500 - إى 350 - بى إم 740 - دى أفخم عربيات سوقتها تيست درايف
وركبت يابانى و كورى و ماليزى و صينى
بأمانة ربنا السيراتو عربية حلوة و قبل ما أشتريها مكنتش مقتنع بيها و بعد ما إشتريت كمان لحد ما سافرت بيها شرم و جربتها سكة طويلة رايح راجع و ملفات و تكييف و تحميل و سحب و فرامل صراحة أنا راضى عنها و الحمد لله مقارنة بسعرها
إفصل و إركب غيرها حبه و إنت ترتاح
-
طبيعى جدا وموجوده فى كيا 2010 عادى جدا وحلها تغيير البطاريه ل 70 امبير علشان تقل الرعشه دى ......... المهم ان العربيه الحمد لله مفهاش مشكله ودا شى طبيعى فى اغلب عربيات كيا
-
-
اول مره محدش يهاجم المشكله
-
المشكلة دي كانت موجودة عندي في سيراتو 2010
وغيرت البطارية وفي ناس غيرت كابل الارضي
وبرضه مفيش فايدة
من الاخر اعمل نفسك مش واخد بالك واستمتع بعربيتك
-
للاسف ليه المشكله ده مش موجوده فى هيونداى الانترا رغم انه نفس المتور ونفس كل شء اكيد فى مشكله عندنا احنا بس
فى السيراتو بذات
-
هل لو عملت تقويه لفيشه الضفيره الى داخاه على الكنترول فى العربيه من الداخل على الفيوزات ممكن تتلغى
-
مشكلتك دى معتبرهاش مشكله دى تلقيها ضعف فيوز أو بطارية وانا كان عندى شكل قديم وعند حاليا شكل جديد مظهرش ابدا حاجات دى عندى لا انحياز ولا اى شى
-
غيرت البطاريه وحطيط بطاريه 70 امبير وبرده موجوده فرجعت البطاريه القديمه تانى
Content Relevant URLs by
vBSEO 3.6.0 PL2