هى دى مفيش لغه حتنزل على باب الله بس تقريبا حتدفع تمن التذكره يعنى مش حتعد فلوس بس بختك حظك فخايف
عرض للطباعة
طب ما القاهره رطوبه وحر وتلوث .بمناسبه الاكل الماليزي طبعا ماليزيا 3اعراق عايشين في انسجام صيني وهندي ومالاي .اكل الصيني عليهم رز محمر بالبيض حكايه ,ورز بالسي فود محمر لوز دا غير الكاجو كلو حلو عدا الخنزير .العرق الهندي اكلو معروف وقريب للعربي كاري يعني رز ولحم ضاني مسبك حراق او فراخ برياني وكل الضباع والعدس بانواعه .المالاي مجربتوش.نيجي للياباني بيدخلوا السمك في حاجات كتير والبنجر ولفت مسكر وكمان كتاكيت محمرة زي الصيني بس طبخهم زي شغلهم دقي مش هليهلي زي الصيني .المطبخ الصيني اوسع مطبخ اسيوي بيمسك السمكة صاحيه ويطشها في الزيت .مشكلة ناسنا الاكل المصري المحاشي والكشري والبليلة وسد الحنك لسه في بقو ومتوقع اكل مشابه لكن لو وسع مخه واستقبل حاجة مختلفه هيزأطط ويعيش.
تحياتي
الرطوبة و الحر في القاهرة لمدة شهور الصيف و مش كل الصيف رطوبة عالية و يعقبه شتاءا و ربيعا يعني متنوع الي حد ما و ليس علي وتيرة واحدة و ارحم من رطوبة ماليزيا.التلوث طبعا اكيد القاهرة تكسب.
بالنسبة للاكل الماليزي انا لم ادّعي اني اعرفة غير الفاكهة اللي فاكراها في موضوع هنا في المنتدي عن ماليزيا لكن ذكرت ان لوجود مسلمين كثير علي الاقل هيكون فيه ذبح علي الطريقة الاسلامية مش صعق ده للشخص اللي هيعيش و ممكن يحضر اكله بنفسه مش اكل المطاعم طول الوقت.
موضوع الاكل انا ذكرته ردا علي زميل كتب عن اليابان. لي قريب عاش مع اسرته حوالي سنة في اليابان لطبيعة عمله المتنقل لدول العالم مع العلم ان اولاده ولدوا و عاشوا خارج مصر و لم يتعودوا علي الاكل المصري لكن حد قوله اكثر بلد عجبته و عجبت اسرته هي فعلا اليابان من اخلاق و احترام و التزام شعب محترم لكن اتعذبوا في الاكل لان مثلا كما ذكرت الفراخ تصعق فحرموا منها واكلهم غريب حتي المعلبات.
كما ان احد اعضاء المنتدي كتب موضوع منذ فترة كبيرة كان يسأل عن مطعم عربي في المكان اللي كان فيه في الصين لكن اعتقد كان في زيارة قصيرة و برده كان مشكلته الاكل و اضطر ياكل فاكهة لان كما قال الاكل غريب
انا شخصيا لم اسافر خارج مصر.كلامي فقط بناء علي تجارب الاخرين. مشكلة ناسنا اللي انا اعرفهم ليست في افتقاد الاكل المصري و خصوصا سد الحنك الي اسمع عنه و لم اذقه ولا اعتقد ان مصرين كثير يعرفوه غير من الافلام. كما ان مصر فيها مطاعم لدول مختلفة و الناس طبيعي بتحب التغيير و بتجربها.
و طبعا المهاجر او حتي المسافر لبلد اخر بثقافة مختلفة لازم يوسع مخه و يستقبل حاجة مختلفة لكن مش هياكل فراخ بعد ان صعقت بالكهرباء لكن هيحاول يشوف بدائل و سيجد بعض الصعوبة.
عن تجربه بالنسبه للاكل مفيش اسوا من الصين ... ممكن تتعايش فى اليابان بس الصين ماساه
ماليزيا طبعا الاكل الحلال كتير و متوافر
نفسي اموت واخرج من الدنيا بجنسياتها
في ناس مش قادره تبعد عن البلد حتي بالخيال
مش فاهم ليه الصراحه :d
بدأت احس ان البلد زي الفل و انا اللي وحش :d
معقول حد مصري مكلش سد الحنك !!!!.ناقص مصري مدقش الطعميه والملوحة سمع عنهم افلام ههههههه.يا سبحان الله الناس بتاكل سد الحنك من حلواني الشرقي وهي مش داريه.اي ام مصريه اصيلة لما تلاقي اطفالها بيشاكسو ومش عاوزين يهمدوا بتعملهم سد الحنك ياكلوه وينامو وبردك زيو بلح الشام.
اللي مش عاوز فراخ مصعوقه ,فيه مكدونالدز وصب واي وبيتزا هت .لكن يعيش سنة معلبات او فواكه دا عذاب وقلة حيله.وادي طريقة عمل سد الحنك.
تحياتي
[youtube]https://www.youtube.com/watch?v=oI3jsJZDWao[/youtube]
كاتب الموضوع عن اكتساب الجنسيه ومعيار اختيار الدول لقينت الناس قلبتها مطبخ وبتكلم فى الاكل يالا ما علينا
طبعا بهز ومرحبا بيكم والاكل حاجه مهمه للراحه النفسيه فى اى سفره او اى دوله
السوال الى محدش جاوبنى عليه ما هى معاييراختيار الدوله والوزن النسبى لكل معيار
مثلا بدون ترتيب بالنسبه لى
الامن والاستقرار -للنظام السياسى
الصحه- تامين صحى وجوده
التعليم -لاطفال
الاقتصاد- فرص العمل
الحريه الدينيه -ممارسه الشعائر
العدل وتطبيق القانون
انتم اختارتم بناء على ايه