الموضوع: نظارة الرؤية الليليه أثناء القياده لمنع الزغلله

المشاركة الأصلية كتبت بواسطة boomboomzoro

السلام عليكم

سؤال علي الهامش بالنسبه لأستاذ مصطفي (ظريف) بما إن حضرتك شرفت الموضوع

إزاي بتغطس من غير خراطيم هوا أو إسطوانات تنفس زي ما الصوره بتاعة حضرتك موضحه

و إيه أطول مده ممكن تغطس فيها من غير ما تحتاج تطلع للسطح

هل في تمارين معينه للكلام ده و لا بتبقي قدرات خاصه و هبه من ربنا....أنا ممكن ما أقدرش أكمل دقيقه تحت الميه بنفس واحد

معلش الموضوع جانبي بس قلت أستفيد من حضرتك في النقطه ديه واضح إن حضرتك ما شاء الله خبير في المجال ده من متابعتي لمواضيع حضرتك الشيقه

جزاكم الله خيرا

كدة احنا هنغير الموضوع بس عزائى ان انت صاحب الموضوع مش حد تانى

مبدئيا اللى انا بعملة دة اسمة غطس حر
لكن اللى بيكون فية انابيب دة اسمة غطس سكوبا

الغطس الحر انت بتعتمد فية على كتم النفس لاطول فترة بس دة لية طريقة معينة وممارسة كتيرة وطريقة النزول للقاع بتعتمد على التدريب والفهم وللاسف مينفعش تتشرح ......لازم يكون عملى

وخلى بالك الهواية دى (الغطس الحر ) مش محتاجة واحد مفتول العضلات ولا رياضى جدا (رغم ان دة طبعا بيفرق) اى شخص عادى ممكن يمارسها وحتى لو مدخن بس التدخين هيخلى اداءة اقل طبعا من غير المدخن

لكن بالدرجة الاولى بتحتاج شخص يقدر ينقل عضلات جسمة من مرحلة الهدوء والاسترخاء الى مرحلة السكينة لان حركة كل عضلة بتحرق الاوكسجين وبتعجل بصعودك للسطح للتنفس

واى حد من الجنسين ممكن يمارس الهواية دى بشرط ان ميكونش عندة مشاكل فى الجهاز التنفسى او القلب او الاذن الوسطى (وطبعا يكون بيعرف يعوم)


ودة فيديو ليا للغطس وبغض النظر عن مضمون الفيديو (عشان الموضوع ميبقاش سياسى) انا حطة ليك عشان فية تطبيق كامل لكل الكلام اللى انا قلتة سابقا وفى الدقيقة 1.30 هتشوف طريقة النزول والعمق اللى ممكن توصلة

[youtube]https://www.youtube.com/watch?v=9dRSUNnzFvM[/youtube]