خبراء b150

**amirz** · 12-05-2015 02:48 PM

المشاركة الأصلية كتبت بواسطة Mohamed-Fathy

السلام عليكم ورحمة الله وبركاته

العربية معايا بقالها حوالي خمس شهور بامشي بيها كل يوم في المتوسط من ١٧٠ ل ٢٠٠ كيلو طبعا ماعدا ايام الأجازات يعني تقريبا ٤٠٠٠ كم كل شهر

أولا العربية ناعمة جدا في مشيها ومفيش حد ركبها الا واستغرب من مشيها ونعومتها وسهولة سواقتها بامشي بيها علي الدائري ب ١٦٠ وجوا العربية مش حاسس اصلا اني ماشي وهجمة العربية ممتازة جدا انا اقصد بهجمة لما تكون خارج من طريق بطئ لسريع او عايز تاخد غرزة بمجرد متلمس البنزين تجري ... في الخمس شهور غيرت زيت مرتين بسعر الزيت العادي وغيرت تيل الفرامل وانا اصلا واخدها من صاحبها الأصلي تيل الفرامل مطلع علامة علي الكمبيوتر انه عايز يتغير غيرت الأمامي بس وسعر التيل الخلفي والأمامي ٧٥٠ جنيه وجيبتلها المساحات الأصلية بتاعتها ١٥٠ جنيه دي كل المصاريف اللي صرفتها عليها لحد دلوقتي وانهاردة ان شاء الله هوديها للصيانة لأن الكمبيوتر حاطط علامة شيك انجين بقالو شهر تقريبا وانا مطنش وان شاء الله هقولك تقرير عن الصيانة بعد مخلصها

علي عكس كل اللي بيقول مفيهاش حاجة من مرسيدس العربية فيها كتير من مرسيدس ... تابلوه فخم جدا كراسي الكنبة الخلفية بتترفع عشان الاطفال الشنطة واسعة فيها تكنولوجيا محترمة جدا زي الاوتو بارك مثلا .. سيستم بيفهم .. تليفون بلوتوث .. فتحة سقف بانوراما

وفي الأول والأخر الاختيار ليك قدامك الزيرو برضه اختيار كويس ... وربنا يوفقك بإذن الله

متابع

**GoldenEgyption** · 04-08-2015 01:55 AM

أنا كمتن بفكر اشتري العربية دي

ياريت اللي بيقول وحشة يقولنا عيوبها ايه .. واللي يقول حلوة يقول مميزاتها

في الأول وفي الآخر معتقجش إن رسيدس ممكن تنتج عربية وحشة أو فيها عيب ظاهر

أتمنى الرد من الناس اللي ركبت العربية مش من اللي سمع وبيقول وحشة وخلاص

**Mohamed-Fathy** · 23-02-2016 12:03 PM

السلام عليكم ورحمة الله وبركاته

بالنسبة للي بيسأل عن تيل الفرامل دا كان أمامى وخلفى مع بعض واسف على التأخير

العربية عموما جميلة جدا وركبت فى اوبر عربيات زيرو كتير والله الفرق كبير جدا بينها وبينهم وانا رأيي الشخصى فيها انى بحبها جدا

نيجى بقا للمشاكل مشكلتها المعروفة فى حاجة اسمها كنترول الفتيس والمشكلة دى بتوقف المانوال بتاع الفتيس وبتخليه يشتغل على الاوتوماتيك بس وبتأخر نقل الحركة فى السرعات البطيئة فبتلاقي الصوت عالي وماشى على العيب دا بقالى شهور ومفيش اى مشكلة خالص

سعر كنترول الفتيس فى الحرفيين ٩٠٠٠ جنيه وهو عبارة عن حتت بلاستيك فيها بوردة صغيرة راكب فوق البادى فالف بتاع الفتيس

سعر كنترول الفتيس على موقع على بابا حوالى ٣٠٠ دولار يعنى ما يعادل ٢٤٠٠ جنيه مصرى بحاول اجيبه من بره بس لسه مش عارف الاجراءات

اما موضوع السخونة فدا مش مظبوط العربية مفيهاش اى مشكلة بصفة عامة على مستوى الماتور

من فترة بسيطة البطارية مكانتش بتشحن المشكلة كانت فى الدينامو سعر الدينامو الأصلى جديد ٢٣٠٠ جنيه بس اخويا الكبير ربنا يباركلو فك الدينامو وغير فيه شربون بحوالى ١٠ جنيه والدينامو شغال مفيهوش اى مشكلة الشربون دا اللى اتاكل بس احنا عندنا هنا فى مصر محدش بيصلح كله بيقولك هات جديد وانا اركبهولك وبتبقا مشاكل بسيطة جدا ..

هحاول اتابع الموضوع اى حد عنده سؤال يخص العربية انا فى الخدمة

**ashraflotfy1** · 23-04-2016 11:05 PM

المشاركة الأصلية كتبت بواسطة mohamed-fathy

السلام عليكم ورحمة الله وبركاته

بالنسبة للي بيسأل عن تيل الفرامل دا كان أمامى وخلفى مع بعض واسف على التأخير

العربية عموما جميلة جدا وركبت فى اوبر عربيات زيرو كتير والله الفرق كبير جدا بينها وبينهم وانا رأيي الشخصى فيها انى بحبها جدا

نيجى بقا للمشاكل مشكلتها المعروفة فى حاجة اسمها كنترول الفتيس والمشكلة دى بتوقف المانوال بتاع الفتيس وبتخليه يشتغل على الاوتوماتيك بس وبتأخر نقل الحركة فى السرعات البطيئة فبتلاقي الصوت عالي وماشى على العيب دا بقالى شهور ومفيش اى مشكلة خالص

سعر كنترول الفتيس فى الحرفيين ٩٠٠٠ جنيه وهو عبارة عن حتت بلاستيك فيها بوردة صغيرة راكب فوق البادى فالف بتاع الفتيس

سعر كنترول الفتيس على موقع على بابا حوالى ٣٠٠ دولار يعنى ما يعادل ٢٤٠٠ جنيه مصرى بحاول اجيبه من بره بس لسه مش عارف الاجراءات

اما موضوع السخونة فدا مش مظبوط العربية مفيهاش اى مشكلة بصفة عامة على مستوى الماتور

من فترة بسيطة البطارية مكانتش بتشحن المشكلة كانت فى الدينامو سعر الدينامو الأصلى جديد ٢٣٠٠ جنيه بس اخويا الكبير ربنا يباركلو فك الدينامو وغير فيه شربون بحوالى ١٠ جنيه والدينامو شغال مفيهوش اى مشكلة الشربون دا اللى اتاكل بس احنا عندنا هنا فى مصر محدش بيصلح كله بيقولك هات جديد وانا اركبهولك وبتبقا مشاكل بسيطة جدا ..

هحاول اتابع الموضوع اى حد عنده سؤال يخص العربية انا فى الخدمة

اخي الفاضل أستاذ محمد
انّا اتشجعت اشتري واحدة لما عرفت انك بتشكر في السيارة عن تجربة و رايح اخلص بكرة في واحدة موديل ٢٠٠٩ اعلي فئة. هي عاملة ٥٠٠٠٠ كم و فبريكة بالكامل و كل حاجةًشغالة و نظيفةًجدا من الداخل و الخارج. هو طالب فيها ١٦٠٠٠٠ نهائي و ناوي اخلص فيها بكرة.
أرجو ان تعطيني عنوان ورشة قريبة ناحية مصر الجديدة لكي أصونها فيها و كذلك هل قطع الغيار التقليدية كالسيور و الفلاتر و التيل و الطلمبة سواء مياه او بنزين و طنابير و رولمان بلي و خلافه لو عندك فكرة او خبرة.
هل لازلت مشجع علي شرائها اتمني الرد و شكرًا لك

**khaledhadi** · 31-01-2018 07:19 AM

سلام عليكم - انا عارف الموضوع من زمان و ممكن يكون اتقفل -- انا بافكر اشتري السياره دي و عايز اعرف هل هي جيده و لا الغي التفكير فيها --- ارجو من الاخوة الافاضل ملاك السياره حد يفيدني و شكرا مقدما