الموضوع: عايز أشتري قطة :)

النوعين مون فيس الصورة الأولى والصورة التانية !
وهي مش هتنزل لأنها لو نزلت مش هتشتري لأن إحنا شعب مصري هي فاكرة انها بكده هتخليك تقول لآ دي كويسة !!
زي المطار بالظبط بتبقى الطيارة فاضية وتلاقيهم يقولولك إستنى هنشوف ونرجع نكلمك !!
لو حابب أشوفلك أنا الهاف بيكي بسعر مناسب أنا عارف ناس بتربيهم وكويسين جدا وبرضه هشوفلك ع دوبيزل
إبعتي ع الواتس علشان لما حاجة تيجي قدامي أبعتهالك على طول !

بص ياباشا انا مربي قطط بقالي 13 سنة ابتدت بقطة مصرية فرعونية اصيلة ( بلدي ) وجبتلها ذكر رومي بيور لونه ابيض وتكاثروا ووزعت وبقوا 5 معايا نتاج الخلفة
القطط ف منها انواع : النوع الاول ( الشيرازي ) بأنواعه والنوع ده ساكن عامل زى حتة القطن اللي فالبيت مش بيهوى اللعب يقال عليه انه قط بارد وشعره الكثيف كثير التساقط ولازم اعتناء شديد بالقط عشان حوار تساقط الشعر
النوع الثانى ( السيامى ) وبيقال ان الفصيلة دي شرسة وبتحب تدافع عن نفسها ولكنها ذكية ومرحة
النوع الثالث ( الرومى ) فهو يمتاز بالجمال والشعر الكثيف والمرح عن الشيرازي
النوع الرابع ( الفرعونى او البلدي ) فهو يمتاز بالذكاء الخارق واللعب الكثير والحياه الاطول بحكم طبيعة جسمهم الرفيعة ومرونتهم العالية
النصائح : يفضل ان تأتي بقط ذكر وعند سن سنة ونص تعمله عملية تعقيم اى ازالة الخصية وده ليس ضار لصحته عشان القط اذا لم تتم ازالة خصيته بيقوم بعملية الرش فالمنزل اعتقادا منه ان ف انثى موجودة فالمنزل فبيسيب اثره ع منطقة نفوذه وكتر الرش من غير زواج بيتعب القط كتير وممكن يجيله احتباس بولي ويحصله تضخم فالخصية
اما الانثى فبيجلها الدورة اى فترة التزاوج وممكن تنتهى من غير زواج ولكن كتر هذا الامر بيؤدي الى صديد فالرحم ولكن انا مش بفضل عملية ازالة الرحم عشان بيتم فتح البطن والعملية اكثر صعوبة من عملية استئصال الخصية
اهم شئ اهم شئ ان القط لو تعب تعالجه مش ترميه فالشارع زى بقية المصريين للاسف وانك تهتم بصحته وربنا يجعله ف ميزان حسناتك

انا كان لى تجربة مع القطط بدات بقط بلدى العام الماضى او مايعرف بالمصرى الفرعونى من صديق ابنى كانت رهيبة قمة فى النشاط والذكاء والنظافة فى استخدام الليتر بوكس ولكن بصراحة شكلها موش ولا بد (هذا كان اثناء اجازة 45 يوم لى مصر والاولاد هما المستقرين)
اقترحتنا نقتنى شيرازى اشترين 2 ب 200 جنيه اناث عن طريق منتدى فتكات يوجد الكثير من محترفى البيع باسعار رخيصة وسلالات ممتازة وكان كل الاعمار 45 يوم وهو السن المثالى لاقتناء القطط
تحولت الشقة الى ساحة حرب بين القططتين الشيرازى وبين البلدى والبلدى صراحة شرسة جدا
اعطيناهم فرصة للتالف اسبوعين مستحيل ابدا
فاحتفظنا بالشيرازى ورجعنا البلدى لصاحبها
شكلهم تحفة واليفة جدا جدا بس مستوى ذكائها اقل بكثير من البلدى وغير نشيطة
الشعر كثيف جدا وتحتاج عناية اكثر ونظافة مستمرة
فى الغالب الاولاد بينظفوها بجيل الكحول المعقم للايدى لانه لا يمكن عمل استحمام بالماء فى هذا السن ثم حمام بودرة تلك
يجب وضع قطرة مضاد حيوى للعينين ايضا وخاصة فى فترة السن الصغير
التطعيمات انا لا اتذكرها ولكن اخذوا التطعيم الاول عند شهر والباقى اظن لما يكملوا 6 شهور وسنة لكن للاسف مكلفة جدا
تقبل تحياتى

انا افضل لك القط السيامي بيكون ذكي وشعره قصيره ومش طويل زي الشيرازي او الرومي فميبهدلش السجاد والعفش..وحركته اعلي وشقي جدا ...بالنسبة للتطعيم كنت قريت دراسة بين كذا جامعه بيطرية فاميركا بتنصح بان القطط تتطعم مرة واحدة بس ولا يجدد التطعيم كل سنة لانه ممكن بيعمل اورام وسرطانات وكده..في جروبس كتير علي الفيس للتبني لو تحب وهتلاقي فيهم قطط سلالات زي esma ,animal friends ,قطط للتبني كده يعني

الصورتين لقطط شيرازي " مون فيس"
بالنسبة للقطط الشيرازي سعرها بيبدأ من 150 جنيه
بيزيد السعر شويه لو القطط صغيره فى السن
لون العين بيفرق ( اصفر او ازرق )
لون الشعر بيفرق خصوصا لو كان ابيض ماعدا الاذنين والزيل (زي الصور)

اعتقد الصور الاخيرة متوسط سعرها 350 جنيه
الفكرة مش فكرة فلوس قد ما هيا روح حضرتك بتشتريها وبلتزم امام ربنا قبل اي حد انك ترعاها

تاني حاجه القطط زي البشر بالظبط مش كلها زي بعض ( عن خبره فى تربيه جميع انواع القطط ) ممكن يبقى قطين توءم ممكن تلاقي واحد شقي وذكي والتاني غبي وكسول برغم انهم اخوات

حاول تروح تشوف القط او القطه اللي هتشتريها وتلاحظها ربع ساعه لو حسيت انك حاببها هاتها ويفضل انك تجيب قطه وقط عشان تتجانب مشاكل فترة التزاوج لو عندك قط أو قطه وحيده

تحياتي