عايز أشتري قطة :)

**أبو آسر** · 06-03-2015 04:39 PM

المشاركة الأصلية كتبت بواسطة mahmoud naguib

كويسة يا أبو آسر وسعرها مناسب بالنسبة للحاجات اللي معاها برضه

أنا كنت شفت القط ده وعجبني بس المسألة أذواق بقى

https://egypt.dubizzle.com/ar/cairo/...91cmhvb2q9yy01

شوف الهيمالايا ده سعره مناسب جدا روح شوفه برضه واسأل ع التطعيمات والنضافة قبل ما تاخده
وأهم حاجة يكون متعود ع الليتر بوكس

ولو محسيتش بألفة معاه هات اللي انت ضايفها

لا أنا عاجباني دي أوي بصراحة وشايف سعرها كويس فعلا علشان معاها البوكس كمان
أنا كلمت صاحبتها واتفقت معاها هقابلها بالليل ربنا يسهل :)

**أبو آسر** · 07-03-2015 04:35 PM

الحمد لله اشتريت اللي على دوبيزل :)
بكلمكوا وهو نايم على حجري دلوقتي ^_^

المشكلة بقى إن بالرغم من إن البوكس بتاعه فيه رمل مفروض كان بيعمل فيه لقيته عمل في الشقة على السيراميك :(
أعوده ازاي على الرمل ؟ دا بهدلنا النهاردة وخلاني اضطريت إني أحميه علشان بهدل نفسه مع إن أصحابه الأولانيين كانوا لسة محميينه

**أبو آسر** · 07-03-2015 07:08 PM

المشاركة الأصلية كتبت بواسطة sha2e

خليه في أوضه فيها البوكس لحد ما يعرف مكان البوكس فين
فترة بسيطه يومين تلاته بالكتير وهيكون ان شاء الله حفظ الشقة كلها وعرف مكان البوكس
مش معني كده انك تحبسه فى الاوضه لليل نهار حاول تطلعه يستكشف الشقه وتكون عينك عليه وكل ساعه توديه عند البوكس

منا فعلا عامل كده بس بيسيب البوكس ويروح يعمل في أي زاوية !!!
هحاول كل ما أحس إنه عايز يعمل أدخله البوكس بحيث يعرف ان ده مكان التويليت

**أبو آسر** · 08-03-2015 01:23 AM

المشاركة الأصلية كتبت بواسطة Mahmoud Naguib

مبروك ياكبير

علشان تعوده يعمل ف الليتر بوكس حاول تأكله جنب البوكس وتفضل معاه وتلاعبه وانت جنب البوكس برضه وتخليه يحفر برجله الرمل ولما يعملها ف البوكس كافئه بلعب أو أكلة حلوة هو بيفهم
وهما يومين وهتلاقيه اتعود ع البيت والليتر بوكس بس هو على ما يكتشف المكان بس

أنا آخر ما زهقت عملت كالتالي بعد كمان ما اتفرجت على فيديو على يوتيوب
الأول كان أكله وشربه والرمل محطوطين في نفس البوكس اللي جاي معاه
مراتي نضفتله البوكس تماما وطهرته بالديتول وفرشته وأنا حطيتله الأكل والشرب بس ورميت الرمل
حطيت رمل جديد في طبق فويل كبير شوية بس مش عالي علشان مبيعرفش ينط أوي
حطيت كل ده في الحمام الصغير وشبه حبسته فيه وقفلت عليه الباب علشان لما يتزنق ميلاقيش مكان غير الحمام فيعمل فيه
كذا مرة أحطه على الرمل وأخليه يحفر فيه برجليه الاتنين الأماميتين زي ما شفت في الفيديو وقعدت أكلمه زي ما بكلم الطفل الصغير وأقوله تعمل بيبي هنا فاهم ؟ هههههههههههه
أنا شكلي اتورطت لأن مراتي لسة بتخاف منه وطبعا مش بتلمسه ومفيش غيري اللي بيعمل الكلام ده وبمسحله كمان بعد ما يعمل تويليت بمنديل مبلول مية !!!
ربنا يسهل بقى ويعمل في الرمل ويتعود علشان هزهق بجد ومش فاضيله ده أنا معملتهاش مع العيال هعملها معاه

**J A G U A R** · 08-03-2015 09:15 PM

متهيألي لو هو مش متعود يعملها فى البوكس وهو صغير صعب يتعود يعمل فى البوكس وهو كبير
انا كان عندى قط سيامى وصاحبه كان معوده يعملها فى الحمام من وهو صغير والصراحه عمره ما عملها بره الحمام بس الله يرحمه بقى مات ودفنته وجيبت واحد تانى بس مكنش متعود يدخل الحمام بقى يعملها فى اى مكان وبالذات كان يدخل فى الصالون ويعملها تحت الكراسى وكان بيقلب ريحه الشقه ولما زهقنى كرشته من البيت

**أبو آسر** · 08-03-2015 09:42 PM

المشاركة الأصلية كتبت بواسطة j a g u a r

متهيألي لو هو مش متعود يعملها فى البوكس وهو صغير صعب يتعود يعمل فى البوكس وهو كبير
انا كان عندى قط سيامى وصاحبه كان معوده يعملها فى الحمام من وهو صغير والصراحه عمره ما عملها بره الحمام بس الله يرحمه بقى مات ودفنته وجيبت واحد تانى بس مكنش متعود يدخل الحمام بقى يعملها فى اى مكان وبالذات كان يدخل فى الصالون ويعملها تحت الكراسى وكان بيقلب ريحه الشقه ولما زهقنى كرشته من البيت

بس ده لسة شهرين يعني لسة صغير برده ومفروض قبل كده كان بيعمل في الرمل يعني متعود مش عارف بقى ليه منفض للرمل خالص وغاوي يعملها في زوايا الغرف عندي ! يمكن علشان المكان لسة جديد عليه زي ما ناس قالت ؟ عموما هنشوف آخرتها معاه إيه أنا تعبت بجد مكنتش متخيل إن الموضوع صعب ومتعب كده

**BUNSH** · 09-03-2015 03:13 PM

مبرووك وتتربى فى عزك وعقبال فرحهـــــــا

فكرتنى باللذى مضى ,, أنا من فترة كان عندى بوســـى (الله يمسيها) -وكانت بنت ناس وشقية جدا وشربات ووش كسوف (أى حد غريب يجى تاخد بعضها ويافكيك لغاية لما يمشى) - الحاج والحاجة عندى (ربنا يديهم الصحة) تعبوا منها بسبب موضوع الجواز لأنها بمجرد لما يجى فترة الشبق -عينك ماتشوف الا نور- عواء بمعنى الكلمة وموضوع زاد وبقيت بترش زى الذكور بالظبط مع أنى جبتلها كذا عريس بس شخصيتها كانت قوى ومردتش بحد ابدا ولا جوة ولا برة البيت !

موضوع الحمام بقى هية كانت متعودة بس أول ايام لما أى حد بيغير مكانة الاولانى بيبقى متبرجل شوية لغاية لما ياخد ع وضع الجديد فكنت بتابعها واول ماخد بالى أنها بتستعد وهتعملها اقوم جايبها من قفاها (من نفس المكان اللى القطط الامهات بتشيل عيالها منة) واحوطتها فى ليتربوكس!

والا لو عملتها برة كنت بندة عليها بشخيط محترم كانت بتستخبى وبتبقى عارفة هية عملت أى شوية تأنيب بدون ضرب واشممها البلوة اللى عملتها واخد ايديها واخليها تحفر فى الليتر بوكس يومين بالظبط وكانت اتبرمجت تانى .

تخلى بالك من اكلها لأنها فى مرحلة النمو واكتر فترة بتاكل فيها زيها زى فترة الحمل برضة ,, بلاش لبن وتونة كتير لانهم بيعملولهم اسهال والتونة بتوقع الشعر ولازم تنوع فى اكلها مابين لحوم وفراخ واسماك وحبة بسيطة من الخضروات وطبعا دراى فود عشان عضمها واسنانها .

النضافة , كنت يوميا بمسح عينها ومناخيرها بقطنة وبمحلول وكنت اسبوعيا بنضف ودانها عشان بتلم نوع من البراغيت لو متنضفتش كويس وهيخليها تهرش بجنان وممكن تعود نفسها وطبعا كورسات التطعيم متدهاش غير ريفليوشن بتاع البراغيت والديدان بس غير كدة مفيش!

قلبت عليا المواجع !

-

-

-

الموضوع: عايز أشتري قطة :)

LinkBack

أدوات الموضوع

عرض

-

-

-

-

-

-

-

المواضيع المتشابهه

عايز نصيحتك , عايز أشتري أوكتافيا أجيب أيه ؟

عايز أشتري تريوس

كنت عايز أعرف أضمن وأحسن مكان أشتري منه كورولا جديدة وهل ممكن أشتري من التوكيل مباشرة

أنا عايز أشتري اللوجان - عايز مساعدة من الخبراء الجامدين :)

عايز أشتري تويوتا كورولا 2006/2007 عايز أفادة

الكلمات الدلالية لهذا الموضوع

المفضلات

المفضلات

ضوابط المشاركة