الموضوع: عايز أشتري قطة :)

المشاركة الأصلية كتبت بواسطة sasatony

بص انا الي اعرفه فيهم ان في نوع اسمع شيرازي وده حلو اوي بس في انواع في الشيرازي
وياريت لو تشتري من حد هاوي مش تشتري من المحلات لانهم بيبقوا اغلي يعني
انا مشترك في موقع متخصص في الحيوانات الاليفة ممكن ابعتلك اسمه في رسالة لو تحب

أيوة أنا عارف الشيرازي والسيامي طبعا بس كل فصيل منهم بيبقى ليه sub-categories برده في حاجة اسمها مون فيس وفي بيكي فيس وفي هيمالايا وحاجات تانية كتير فأنا عايز أعرف اللي في الصورة دي بتبقى تحت أنهي تصنيف بالضبط
وأنا فعلا مش عايز أشتري من المحلات تجنبا للخداع والغش والمغالاة برده في السعر لكن برده مش هيفيدني أدخل موقع معين لأن معظم اللي بيبقوا عليه بيكونوا تجار برده ، أنا عايز لو حد يعرف حد يكون ثقة ومضمون واتعامل معاه قبل كده يدلني عليه حتى لو محل بس يكون عارفه واتعامل معاه وضامنه لكن سهل إني أبحث في جوجل عن مواقع ومنتديات متخصصة في بيع القطط
شكرا جزيلا على المساعدة :)

المشاركة الأصلية كتبت بواسطة MTAK

اهم حاجه اشتريها عمر صغير
بس اعمل حسايك في موسم نزواج و خلافه

أيوة طبعا لازم تكون صغيرة وسمعت إن أنسب سن هو 45 يوم
وموضوع التزاوج والكلام ده هبقى أقرأ وأسأل فيه وأشوف إيه اللي بيتم بس هي تيجي الأول وعلى ما توصل للمرحلة دي يكون ربنا سهلها :)