الحمد لله الذى بنعمته تتم الصالحات
تم اليوم عمل صيانه الـ 1000 فى رينو العدوى بطنطا
إستقبال محترم من الإداره المهم
المهندس قعد معايا سئلنى عن العربيه وهل فيها شكاوى ولا لا
ذكرت ليه بعض المشاكل منها
1- صوت تخبيط غريب جاى من ورا من الشنطه ما اعرفهوش
2- صوت الموتور عالى
3- الكابوت وهوه مقفول بيكون فيه هزه صغيره بتعمل صوت مع المطبات
4- سحب العربيه كان تقيل نسبيا
ودى العيوب اللى قدرت اجمعها فى الـ 1000 ك
خرج المهندس بالعربيه يجربها ورجعنا تانى
المهم دخلت العربيه تقريبا ساعه او ساعه ونص انتظار مش اكتر
خرجت العربيه واستلمتها وبحمد الله تم حل جميع المشاكل بدون استثناء
ماعادا صوت الموتور هوه قل بنسبه صغيره بس المهندس قالى ان الرينو كله كدا تقريبا
ناس كتير كانت بتنصحنى اروح العبور لكن مشوار بعيد وبصراحه العدوى فى طنطا فيه ناس محترمه وشغلهم كويس
والحمد لله انا إتأكدت ان الإختيار كان صح بالنسبه لفئات العربيه من لانوس و جيلى و فيرنا
الرينو هيه الأفضل فى الفئات دى ودا رئى شخصى