عايز اشترى عربية فيكترا 2008 وكنت عايز اعرف ايه متوسط الاسعار للحالة الجيدة. وايه مميزات وعيوب العربية ارجو الافادة
عرض للطباعة
عايز اشترى عربية فيكترا 2008 وكنت عايز اعرف ايه متوسط الاسعار للحالة الجيدة. وايه مميزات وعيوب العربية ارجو الافادة
في التمانينات والمانيول سبعينات ولو فوق ال80 الف كيلو متشتريهاش هتقرفك غير لو بتاعت حد تعرفو
مش لدرجه تمانينات يا احمد ! امال الاسترا اتش تتباع بكام ب ستينان ؟
الاسترا بتتباع زي الفيكترا ويمكن اكتر شويه ﻷن مشكلة نقص قطع غيار السي قلل سعرها جامد والمانيوال انى عارف ملوش سوق حاليآ بشكل ملحوظ
لا بصراحة حرام التسعير ده
قطع الغيار متوفرة فى التوكيل وبره
والاستيراد مالى الحرفيين
والناس اللى بتشتغل فى العربية دى بره التوكيل كتير وعندهم ضمير
زى محمد هاشم فى مدينة نصر والشيخ هيثم فى الحرفيين وحسام البحقيري وكتير
ا/ احمد فهمى تقييم سعر العربية لا يكون على اساس شخصي
تقييم سعر العربية بناء على حاجات كتير ومنها سعر الغربية لما كانت جديدة وسعر السوق الحالى وعدد المعروض منها وكمالياتها وقطع غيارها والناس اللى بتشتغل فيها وصعوبة سرقتها ثباتها ع الطريق ووسائل الامان والاعتمادية وتوفير البنزين اللى بقى ازمة دلوقتى واسم الماركة طبعا
ارجو اعاده تقييم سعر العربية لان دى امانه فى رقبتنا وهنسال عليها
شكرا
طيب ممكن توضح لنا الاكصدام والفانوس والشبكه الامامي والمرايه الضم كهربا وكنترول الفتيس والعصايه الداخليه ماليين الدنيا فين فى الحرفيين؟؟؟؟ وانا عربيتي بايعها ب95 الف عامله 64 الف كيلو وحالتها ميكانيكا وكهربا فعلآ زيرو وعامله صيانة ال60 الف وكاوتش جديد ومن بره لا مخبطه ولا مجرحه قيس على ده الحالات المتوفره وللعلم عرضتها 7 شهور فى كل المواقع ومنهم نايل موتورز وانا نفسي التوكيل كان بيجيب القطع من بره واستنى شهور وطبعآ مبتكلمش على زيت وفلتر لا خوارج زي باكت السقف نيكل الشنطه مرايه شمال واتمنى حضرتك متنساش ترد على او سؤال عند مين الحاجات دى استيراد وفى التوكيل بكام
لو بتدور على استيراد
فى الحرفيين هانى العايدي فى شارع المرسيدي ومجدي البيومى فى نزلة الزهور
ولو جديد فى النجار فى ش دمشق وفى الوطنية فى الحرفيين وفى ناس تانيه كتييير انا معرفش اماكنهم بالظبط لانى مش من القاهرة لكن ع الجروب فى الفيس ارقام تليفوناتهم وعناوينهم
انا نزلت الحرفيين من كام شهر
اشتريت ٢ مساعد امامى بالبطاحة والسوستة استيراد ب ٨٥٠ جنية
٢ مقص امامى ب ٢٥٠ جنيه
١ قاعده فتيس ب ٢٥٠ جنيه
وغطاء قربة زيت الفرامل وسلك اكرة داخلية ببلاش ع البيعة
ده من مجدي البيومي
واشتريت من الوطنية
٢ تيش ميزان و٢ جلبة مقص لان دى طبعا متنفعش استيراد ٥٥٠ جنيه
والعفشجى اخد ٢٥٠ جنيه
وبعدها روحت لمحمد هاشم عملت تعديل سوفت الفتيس ب ١٥٠ جنيه
الكنترول انا غيرته فى التوكيل ب ٨٠٠٠ جنيه لانى مكنتش اعرف انه بيتصلح بره ب ٤٠٠ جنيه او اقل
اكيد فى التوكيل قطع الغيار اغلى زى اى توكيل اوروبي
وانا عندي الكنترول القديم محتاج يتغيرله الشربون بس
وانا بعرضه للبيع كمان