الاخوة الدمايطه مطلوب مساعده صادقة

**eng/muhamad** · 06-03-2015 06:08 AM

السلام عليكم
انا طالب مساعده من الاخزة الدمايطة
اخوكم عريس جديد و نازل دمياط اشترى الفرش بتاعى بكره ان شاء الله
عاوز نصايحكم عاوز معارض مودرن و سعرها كويس مش عاوز غالى اوى ولا رخيص اوى و يكون معرض محترم مش عاوز يضحك عليا نصايحكم ايه اروح فين او انزل على اى مكان ايه اسماء المعارض اللى الاقى فيها مودرن و سعرها كويس ياريت مساعداتكم و شكرا لكم

**khmshry** · 06-03-2015 06:27 AM

متابع

**محمد بازيد** · 12-03-2015 03:43 PM

السلام عليكم ورحمة الله وبركاتة
أخى الكريم أولا الف الف الف مليون مبروك
ثانيا انا مش دمياطى بس قريب جدا من محافظة دمياط وهديلك خلاصة تجربتى من 2 سنين
انت اول حاجة هتتعب شوية ابعد عن المعارض اللى بطريق بورسعيد انت انزول على الاماكن اللى فى الشعراء وبعيد عن الطرق الرئيسة هتلاقى سمسارة كثير ابعد عنهم لازم يكون معاك نجار ثقة ونصيحة اوعى الحاجة اللى تعجبك تبين له انها عاجباك لان لو عرف انك معجب بيها هيرفع سعرها خليها اخر حاجة
ثالثا ودة المهم تون مفاصل جدا جدا
يعنى يقولك ب10 قوله 5 وهتخلص 6.5 وسيبه وامشى هتلاقيه بيناديلك

**Ladawy** · 12-03-2015 06:53 PM

هاقولك على حلين

1- ليا صديق عنده ورشة و شغال فى الخشب ،، ممكن ينزل معاك يشوف معاك الخشب و الجودة ، و يفاصل -بحيث يجيب الحاجة بقيمتها مش اغلى- و طبعا مقابل اجر
-- ممكن اسألهولك عن اجرته لو تحب -- و دا اضمنلك انه ثقة ، و هايروج معاك اى معارض انت تحبها

2- ابو واحد صاحبى برضه كان عنده ورشة ، و قديييم جدا فى شغل الموبيليا
دا ممكن تختارله شكل اوضة انت عاوزها ، و هو يعملهالك من الالف إلى الياء ، و بالخامات اللى انت عاوزها
فى الحالة دى انت ممكن توفر مبلغ محترم عن انك تشترى الاوضة من معرض ، و يبقى الاختيار الافضل لو عاوز تشترى حاجات عادية ( مش غرف فخمة يعنى لأ الغرف العادية اللى فى متناول الفئة المتوسطة الدخل )
و من ناحية الضمان ، دا اضمنهولك و انا مغمض ،، لإنى اعرفه من سنين و هو بيعمل الموضوع دا من زمان و منها كتير بيبقى خدمات لمعارفه و الاقارب ..
-- بس ماعتقدش انه ليه فى المودرن :)