ازاى احسن خطى ؟

**a raafat** · 06-03-2015 07:20 PM

شكرا يا جماعه عالرد والاهتمام وواضح زى ما قال الاستاذ " ابو كوكو " ان مدراس الخط مش مفيده اوى
يبقى هعمل بنصيحة الاستاذ " ظريف " وبعد الأخوه الأعضاء اللى قالولى أرسم الحروف براحه وبرده هحاول اجيب كراسات خط واتدرب عليها مع انى عملتها كتير وانا صغير ومجابتش نتيجه بس ممكن عشان كنت عيل صغير وبعملها غصب عنى ومش حاببها انما دلوقتى بما انى عندى اصرار احسن خطى لعل وعسى ممكن يجي بفايده
انتوا مش متصورين يا جماعه المأساه اللى انا فيها تخيلوا مش عارف اعمل لنفسى فورمه للأمضاء :( كل ما اعمل فورمه عمرها ما بتطلع زى التانيه يعنى لو مضيت تلات مرات مفيش مره هتطلع شبه التانيه -_-

**a raafat** · 06-03-2015 07:23 PM

المشاركة الأصلية كتبت بواسطة أبو آسر

حصريا تحميل كتاب علم نفسك الخطوط العربية. مجاناً pdf اونلاين 2015

لسان العرب: مجموعة كتب لتعليم الخط العربي

شكرا أستاذ ابو اسر ان شاء الله احاول استفيد من الكتب دى

**a raafat** · 06-03-2015 07:27 PM

المشاركة الأصلية كتبت بواسطة sfahmy6

بصراحه الكلام اللى فوق جميل جدا ومينفعش يقال بعده كلام ................

المهم الخط الوحش ممكن يسبب ازمه فعلا فى الشغل ..............وما تستغربش انه احنا فى 2015
وحاجه زى دى ممكن تحصل ...............لان مصر بلد متخلف فعلا
احنا التهارده فى وقت المفروض انه الكتابه على الكومبيوتر اسرع من خط الايد والجيل ده .....مش اللى جاى ..... المفروض انه وصل لكده فعلا
وتلاقى فى نفس الوقت انه احنا مضطرين نتعامل مع مشكله زى مشكلتك دى

اللى ادرى بيها الناس اللى عاصروها ......30 فما فوق ههههههههههه

بعض الحلول المقترحه:
خطك الوحش دليل على ضعف موقفك (توترك النفسى ......وانك حاسس انك وراك حاجات كتير لازم تخلص ....كل ده بيظهر فى خطك ايا كان)

كما قال الزميل : السرعه والخط الحلو لايجتمعان
الباقى بقى : قواعد مسك القلم وطريقه الكتابه ....ممكن تدور عليها على النت

المهم : حاول تاخد وقتك فى الكتابه ...........ولاحظ انه اللى انت بتعمله ده غلط اصلا .....انت مستعجل فى الكتابه وفى الاخر بتروح تقعد على الفيس والنت ......

الدنيا مش هاتطير ان شاء الله

والمشكله انه انت وصلت لمرحله : انه ترك انطباع سئ عند زملاءك
يعنى انت محتاج وقت علشان تعدل النظره دى

واذا كان ولابد ..............خليهم يدوك شغلانه تانيه .........وكفى الله المؤمنين القتال :)

شكرا ياباشا عالنصايح وان شاء الله اعمل بيها
ههههههههه المشكله انهم لو ادونى شغلانه تانيه هتكون حساب الاجور والمرتبات وأخوك ملوش فى الحسابات خاااااااااااااااااااالص ده غير انى بقالى 9 سنين بعيد عن الحسابات والرياضيات من تالته ثانوى ثم دخولى كلية الحقوق ثم دخولى مرحلة الدراسات العليا فى حقوق كله نظرى فى نظرى :(

**sfahmy6** · 07-03-2015 04:12 PM

ربنا معاك .......بالتوفيق ☺

**tkamal** · 08-03-2015 07:52 AM

سوء الخط حلقه من مسلسل فى التعليم فى مرحله الابتدائى
مرحله التعليم الايتداءى الى بيملوها باسوء مدرسين هى سبب كل مشاكلنا فى التعليم

**sherif222** · 08-03-2015 07:57 PM

المشاركة الأصلية كتبت بواسطة أبو آسر

حصريا تحميل كتاب علم نفسك الخطوط العربية. مجاناً PDF اونلاين 2015

لسان العرب: مجموعة كتب لتعليم الخط العربي

جزاك الله خيرا

**طارق _عبد السلام** · 08-03-2015 08:39 PM

المشاركة الأصلية كتبت بواسطة أبو آسر

حصريا تحميل كتاب علم نفسك الخطوط العربية. مجاناً pdf اونلاين 2015

لسان العرب: مجموعة كتب لتعليم الخط العربي

روابط اكثر من رائعه للمهتمين بالخطوط

مشاركه اكثر من مميزه ابو آســــــــــــــــــــر

**sasatony** · 09-03-2015 07:55 PM

انا خطي وحش جدا برده
وعملي مشكلة قبل كده في البنك رايح اسحب فلوس فلازم الامضاء بتاعتي تبقي زي الي عندهم وانا مش عارف اعملها خالص والموظفة ورقتني الامضاء وانا بجيبها بس مش زيها بالظبط واحلفلها ميت يمين ان انا خطي وحش اساسا مش مقتنعة لحد مادخلت لمدير الفرع وقولتلو المشكلة راح مغير التوقيع بتاعي وكتبت اسمي ثنائي بس ومن ساعتها بطلت اروح البنك اساسا عشان المواقف الي زي دي
طبعا في الشغل انا الحمدلله شغلي علي الكومبيوتر فمرتاح نسبيا لكن لما بتزنق في كتابة عاوز اقولك والله اكني بكتب شفرة محدش بيعرف يقرئها الا انا بس