استفسار عن تأسيس كهرباء شقة

السلام عليكم

انا عندي شقة بشطب فيها, وحاليا ببني كام جدار وبعمل المحارة, الشقة فيها كهرباء وشغالة تمام. بس عاوز حاجات محددة :

1 - اغير مكان مفاتيح النور في غرفتين. هيكسر مسافة 4 متر (2 متر في السقف, و2 في الجدار), و يسحب سللك ويدفنه في الحيط (الكلام دا لغرفتين)

2 - عاوز اغير كل علب الكهرباء (11 علبة) - لان العلب الموجوده نظام قديم وانا عاوز مفاتيح ماجيك. دا طبعا محتاج تكسير برضه.

3 - عاوز ادفن سلك العداد في الحيطة لانه خارج بره.

4 - عاوز اغير الاوتوماتيك. حاليا هو اتنين بس بيقفل الشقة كلها, وانا هعمله 6 عشان اجمع المطبخ لوحده والغرف لوحدها والاستقبال لوحده


الشقة في منطقة شعبية (اسمها توشكى, في حي العامرية الاسكندرية). عاوز اعرف التسعير لحاجات زي دي بيبقى ازاي, لاني جبت اتنين كهربائية من المنطقة وكل واحد اداني سعر. عاوز اعرف حاجة زي دي ممكن في المتوسط تتكلف كام, او بتتحسب ازاي بالنسبة للمصنعية؟