ايه الموتور ال6 سلندر (دفع خلفى) اللى يركب عال505

**MASERATI** · 07-03-2015 03:23 AM

السلام عليكم و رحمة الله و بركاته

زى ما هو باين من العنوان, أنا بسأل على ايه هو الموتور ال6 سلندر و يكون دفع خلفى و يركب عالبيجو ال505.

بحيث يكون قوى و صيانته سهلة فى مصر و قطع غياره متوفرة.

أنا عارف أنه مش هقدر أرخص العربية و هى فيها الموتور ده. بس ساعتها يحلها ربنا.

اللى خلانى أفكر الفكرة دى أنه مفيش مواتير بيجو 505 ال6 سلندر بحالة كويسة؟؟؟؟, طبعا و لا ال4 سلندر موجود !!!!

**MOTOR HEAD** · 07-03-2015 11:40 AM

متابع

**MASERATI** · 11-03-2015 03:59 AM

السلام عليكم و رحمة الله و بركاته

البيجو ال505 ليها مواتير 2800 cc اللى هى 6 سلندر.

أنا خليت المدام لأنها لسه فى القاهرة تتصل بتاجر فى بورسعيد اسمه العربى و ده رقمه 01006187870 و تسأله على المواتير دى. و قالها أنه بيبيعهم بالجملة لواحد اسمه أيمن فى الزقازيق عند منطقة التجنيد و ده رقم أيمن 01226568866

أنا خليت المدام تتصل بأيمن و تسأله, قالها أنه موجود بس مرضاش يديها أسعار فى التيلفون !!!!!

لو أى حد جرب الموتور ده و لا عنده أى معلومات و لا أسعار و لا حتى من الزقازيق و ممكن يسألنا أيمن. يبقى كتر الف خيره.

**م أحمد** · 11-03-2015 11:38 AM

المشاركة الأصلية كتبت بواسطة maserati

السلام عليكم و رحمة الله و بركاته

البيجو ال505 ليها مواتير 2800 cc اللى هى 6 سلندر.

أنا خليت المدام لأنها لسه فى القاهرة تتصل بتاجر فى بورسعيد اسمه العربى و ده رقمه 01006187870 و تسأله على المواتير دى. و قالها أنه بيبيعهم بالجملة لواحد اسمه أيمن فى الزقازيق عند منطقة التجنيد و ده رقم أيمن 01226568866

أنا خليت المدام تتصل بأيمن و تسأله, قالها أنه موجود بس مرضاش يديها أسعار فى التيلفون !!!!!

لو أى حد جرب الموتور ده و لا عنده أى معلومات و لا أسعار و لا حتى من الزقازيق و ممكن يسألنا أيمن. يبقى كتر الف خيره.

يا ريت تكمل جميلك و تركب قصدى لما تركب للزقازيق تبقى تعرفنا سعر الموتور لان مواتير البيجو القديم بقى غالى جدا ال 504 اسمع ان سعره وصل 9 آلاف

**MASERATI** · 11-03-2015 08:10 PM

السلام عليكم و رحمة الله و بركاته

أنا مشكلتى أنى بره مصر. و لما بنزل مصر بنزل أجازة بتاع أسبوعين و لا تلاتة بالكتير أوى.

ال504 موتورها ممكن يكون غالى لأنه 2000 cc, و موفر فى البنزين و الضريبة. و ممكن فعلا يكون ب9000 جنيه. بس الموتور اللى أنا بسأل عليه ده اللى هو ال2800 cc ال6 سلندر بتاع ال505. و ده أكيد ماعليهوش طلب خالص لأنه ضريبته فى الترخيص أعلى و مش بيوفر بنزين. و بالتالى اذا كان بتاع ال504 ب9000 جنيه, يبقى الموتور اللى أنا عاوزه ده ب6000 مثلا و لا حاجة !!!

ربنا ييسر الأحوال. و لو وصلت لأى حاجة هعرفكم

تقعدوا بالعافية