عملت حادثة بالعربية الجديدة
قدر الله ماشاء الله فعل . لسة جايب عربية شيفرولية لانوس 2014 ماشية 7 الاف كيلو . عملت حادثة على الدائرى سواق نقل حسبى الله ونعم الوكيل فيه خطبنى من جانب الرفرف الشمال خلى العربية تلف منى زي خمسة كدة واترزعت فى السور من جانب الشنطة اليمين طبعا وبقى وش العربية للطريق وطبعا خبطة جامدة والرزعة دي سمعت فى حاجات كتير .. دلوقتى انا التامين مع المصرية للتامين التكافلي . وسالت وروحت اكتر من 10 مراكز قالولى لازم تدفع الفلوس الاول والتصليح هيكلفنى 10 الاف ل 15 الف . ده فى المراكز. وانا مش معايا المبلغ ده . اعمل اية ومش معايا ادفع الفلوس دي واستنى لما اخدها او اردها من التامين وغير كدة انا محتاج العربية ومش هقدر استنى كل ده . عايز اعرف هعمل اية . اسف على الاطالة