عملت حادثة بالعربية الجديدة

**Ayman sayed** · 07-03-2015 03:34 AM

قدر الله ماشاء فعل . لسة جايب شيفرولية لانوس 2014 ماشية 7 الاف كيلو . عملت حادثة على الدائري كنت ماشي وسواق نقل حسبى الله ونعم الوكيل فيه خبطنى من الرفرف الشمال خلى العربية تلف مني زي خمسة كدة واترزعت فى السور الى ف نص الدائري وخلى العربية اترزعت من ناحية الرفرف اليمين والرزعة جامدة و سمعت على الدنجل الخلفى اتعوج والمقاصات قدام اتعوجت . دلوقتى انا حوارات التامين والمراكز سالت قالولى هتتكلف 10 ل 15 الف جنيه . وهدفع وبعدين هاخدها من التامين وانا مش معايا المبلغ ده وفى نفس الوقت محتاج العربية ومش هستنى كل ده .. دلوقتى ميكانيكى قالى هعملهالك ب 4 الاف بس سمكرة ودوكو ب 1500 والميكانيا والعفشة 2500 .. والحاجات الى عايزاها مني :
دنجل خلفى
اكصدام خلفى
فانوس خلفى
كشاف امامى
شنب يمين
مقاصات امامي ..

اية رايكو ياجماعة ؟ ..

ياريت تساعدوني

**lada2010** · 07-03-2015 10:42 AM

معليش الحمدلله على كل شى وربنا يخلف عليك

**zinger** · 07-03-2015 08:03 PM

اهم حاجة يكون معرفة وامين وتقف على ايده ف كل حاجة

**ebb** · 07-03-2015 09:44 PM

الف سلامة

**kazamodia** · 08-03-2015 02:15 AM

يا باشا اعملها عند اي ميكانيكي عنده سجل تجاري وفاتورة ضريبية عشان التأمين يدفعلك

**hany121** · 08-03-2015 10:22 AM

خلي بالك علشان اغلب الصنايعيه بيعملوا البحر طحينه وما بتاخدش منهم غير كلام...
لو مش هتبيع العربيه يبقي الافضل تعملها في التوكيل علشان تعرف تستعملها بعد كده لان اثار الحادثه اللي حضرتك بتقولها ده ممكن تتسبب في عدم اتزان وثبات العربيه بعد التصليح وفي كل الحالات لا اعتقد ان العربيه هترجع زي الاول لو الشاسيه اتأثر لكن لو اتعملت كويس هتتحل 90% من المشاكل اللي ممكن تقابلك بعد الاصلاح واثناء الاستخدام...

ربنا يصبرك ويوفقك لما فيه الخير...

**amr011111** · 08-03-2015 10:34 AM

قدر الله وما شاء فعل

اعملها طبعاُ تبع التأمين علشان العربيه ترجع زى الاول ان شاء الله
وبالتوفيق

**ZADH** · 08-03-2015 03:25 PM

ما تستخسرش في عملية الاصلاح لأن ده هيكون أمان ليك لو مش ناوي تبيع العربية ولغيرك لو حبيت تبيع في يوم من الأيام ...... وألف سلامة عليك...... حمدا لله علي سلامتك.
وأرجو من سيادتكم ان تتقبلوا مروري ......... وشكرا.