اول عربية ليا ومحتار بين لوجان اتوماتيك وسياز اتوماتيك
السلام عليكم :)
انا لسة بتعلم السواقة جديد وهاجيب عربية اتوماتيك ان شاء الله ورافض تماما فكرة المستعمل عشان البهدلة ورافض بردو فكرة المانيوال :tumb: فاهجيب جديد اتوماتيك تقسيط ان شاء الله وكدة كدة هأمن عليها ان شاء الله.
وبعد بحث دقيق وتعب على النت فترة استقريت على عربية من الاتنين (في اقصى حدودي المادية) :
* يا لوجان اتوماتيك الفئة التالتة تمنها 108 الف.
* يا إما سوزوكي سياز الجديدة تمنها 123 الف.
ممكن الاتنين يكونو فئتين مختلفين وبالنسبالي دي هاتبقى اول عربية فامش عارف اختار ايه فيهم.. كل واحدة فيهم ليهم مزايا وعيوب ومش عارف استقر لحد دلوقتي على حاجة.. ساعدوني من فضلكم عشان احجز :U_thin1[1]: