ميزنايتي 80000هل اضغط علي نفسي و اجيب صني و ادفع زياده؟

ازيكو يا جماعه انا اول مره ابعتلكو
المهم
انا معايا حوالي 80000جنيه
وكنت بفكر اجيب عربيه حلوه فكرت في النيو اكسنت خصوصا اني حبيت شكلها حسيته شبابي
طبعا عربيه حلوه بس عيبها انها مش ثايته علي السرعات العاليه و كمان بيقولو قطع الغيار غاليه و اعتمديتها مش عاليه
المهم و انا بدور اتصدمت بتمن الصنى احط بس حوالي 8000جنيه او 7000واجيب عربيه يباني طبعا اعقدت اقرا عن الصني كتير قوي
عربيه اعتماديتها عاليه و كمان ثابته ماشي كل ده كويس
السؤال بقي
هل ناعمه زي الهيونداي و فيها نفس متعه السواقه؟؟
استهلاكها هل هو اعلي كتير من العربيات الكوري؟؟؟اصل دي مشكله ممكن تخليني اصرف نظر لاني اصلا هتدفه 8000جنيه فوق ميزنيتي
السؤال الاهم هل قطع غيارها ارخص و لا اغلي من عربيات زي الافيو و النيو اكسنت؟؟؟؟
ياريت لو حد محترف زي الاستاذ سبعاوي يفيدني و هكون فعلا سعيد
شكرا و اسف اني طولت عليكم

ليه محدش رد عليا"؟؟

بص يا باشا
انا مليش خبرة اوي في النيسان والهيونداي

بس اكيد اقولك ياباني احسن 100 مرة من الكوري
يبقى الصني احسن من النيو اكسنت

بالنسبة للاسئلة التانية بتاعات قطع الغيار والاستهلاك دي لازم حد عارف العربيتين عشان يجاوبك

بس اهم حاجة صلي صلاة استخارة وشوف ربنا حيخترلك ايه

وربنا يوفقك ان شاء الله

اقتباس:

---

المشاركة الأصلية كتبت بواسطة aboOod

بص يا باشا
انا مليش خبرة اوي في النيسان والهيونداي

بس اكيد اقولك ياباني احسن 100 مرة من الكوري
يبقى الصني احسن من النيو اكسنت

بالنسبة للاسئلة التانية بتاعات قطع الغيار والاستهلاك دي لازم حد عارف العربيتين عشان يجاوبك

بس اهم حاجة صلي صلاة استخارة وشوف ربنا حيخترلك ايه

وربنا يوفقك ان شاء الله

---

100%
بلاش الهيونداى الكسنت لانها فعلا مش ثابتة

بصو يا جماعه
حته ان الهيونداي مش ثابته مش هتفرق معايا كتير
لاني مش بسافر و محتاجها عشان الشغل وجوا البلد عمرك ما هتعدي 100 كيلو

انا بتكلم عن عربيه مشاكلها قليله و تعيش طبعا الكل هيقول الياباني
بس يا جماعه النيسان مش 100% ياباني
وانا مش بجيب عربيه عشان سمعه الياباني كويسه
انا مقتنع ان كل عربيه ليها ظروفها يعني ممكن عربيه كوري تبقي طفره في صناعه الكوري احسن من الياباني
مش بحب حد يقولي ياباني و كوري
عايز حد يقولي حقائق الاكسنت وحشه عشان كذا كذا و النيسان احسن عشان كذا كذا
وشكرا لتعاونكم

اللى هتكسبه من النيسان هو فرق الحجم، كما ان تكنولوجيا محركها ليست بتعقيد تكنولوجيا محرك النيو اكسنت وبالتالى صياناتها اسهل، الى جانب الانتشار الواسع للنيسان مما يسهل الصيانة وقطع الغيار ، فيه حاجة تانية مهمة ان محركات نيسان معروف انها طويلة العمر جدا ، على مدى اجيال عديدة من السيارات، لكن هيواندي برغم تقدمها الغير عادى فى تصنيع المحركات ، لسة الأجيال الجديدة من محركاتها(ما بعد 2004) معداش عليها العمر اللى يخلينا نحكم بقلب مطمئن انها معمرة، كما ان الأجيال القديمة من محركات هيوانداى لحد ما قبل 2004 كانت اعمارها قصيرة، برضه صاج النيسان فيه ميرة انه مرن، بيخد ويدى وبالتالى مش سهل ان سندة او قعدة او كورة طائسة تعلم فيه، ميزة اخرى للنيسان هو الاختيار الواسع بين عديد من مراكز الصيانة

اما اللى هتكسبه من الهيونداى نيو اكسنت هو سهولة التحكم فى السيارة لأن حجمها اصغر وابعادها ملمومة كما ان شكلها الداخلى افخم من الصنى ، وعفشتها اريح من عفشة الصنى شوية

والاختيار لك فى النهاية

طيب ما تفكر فى الجين 2
الاعضاء هنا اللى معاهم جين 2 بيشكرو فيها اوى
النيو اكسنت حلو بس مش زى الصنى
الجين 2 موتور قوى...........زى الصنى
ثبات عالى...................زى لصنى
حجم صغير..................زى النيو اكسنت
صالون شيك.............. زى النيو اكسنت
والثلاثة 1600 سى سى

صح والله هات جين 2 بس هي بتسحب بنزين شوية عن الباقي بس ممتازة

بس انا خايف من الجين 2 عشان حاسس انها مش متينه زي الصنى

وكمان سعر قطع الغيار مهم جدا
ايه ارخص عربيه فيهم من ناحيه قطع الغيار؟؟
بصراحه حاجه تحير

اتوكل علي الله وهات جين 2

انا راى انك تخليك فى اليابانى سواء كان صنى او لانسر او تويوتا لانهم يعتبروا صفقة رابحة من حيث الانتشار والاعتمادية وتوافر قطع الغيار وسهولة الصيانة واعادة البيع ( مابتخسرش كتير مقارنة بالانواع الاخرى ) وربنا يهديك لما فيه الخير ان شاء الله

انا ياجماعه بكرر تاني انا يهمني حجتين مهمين جدا
1-البنزين

2-اعتماديه السياره

اقتباس:

---

المشاركة الأصلية كتبت بواسطة semihuman

انا ياجماعه بكرر تاني انا يهمني حجتين مهمين جدا
1-البنزين

2-اعتماديه السياره

---

على فكره استهلاك ال 1600 فى جميع انولع السيارات مش هيونداى او نيسان بس بيبقى عالى فلو حضرتك البنزين هيفرق معاك دور على حاجه 1300 فلو بتختار بين النيو اكسنت والصنى حتلاقى الفرق فى الاستهلاك مش كبير

اقتباس:

---

انا ياجماعه بكرر تاني انا يهمني حجتين مهمين جدا
1-البنزين

2-اعتماديه السياره

---

البنزين اعتقد انهم واحد او فرق صغير اوى كلهم 1600 لو البنزين هيفرق اوى دور على حاجه 1300 احسن

بالنسبه للاعتماديه السياره النيسان افضل فى النقطه دى