الموضوع: الشارع المصري وقاعده بيانات جديدة منفصله

سبب نجاح نايل موتورز من بدايته هو شعور الاعضاء فى المنتدى بجو الاسرة او العائله بين الاعضاء
وكانت النتيجة زيادة التفاعل وكان الواحد كل ساعتين يدخل يشوف الجديد فى المنتدى ( كان في جو من الحب والاحترام فى المنتدى بين كل الاعضاء )

لكن للاسف ده اتنسف بعد دخول السياسه للمنتدى سواء فى الاجتماعي وزاد الامر سوء بعد فتح قسم خاص
اصبح في تكتلات داخل المنتدى وتصنيف كل عضو حسب انتمائه السياسي جانب شايف الجانب التاني علماني أو حزب وطني أو منتفع أو لجان اليكترونيه وفي نفس الوقت الجانب التاني شايف الجانب الاول ارهابي أو أخواني أو منتفع أو لجان اليكترونيه
وكانت النتيجه الطبيعيه تدني اسلوب الحوار وعزوف كتير من الاعضاء عن المشاركة فى المنتدى واصبح مجرد الدخول للمنتدي يشكل عبء نفسي أوعصبي من كثرة المشاحنات والجو المكهرب داخل المنتدى بين الاعضاء

ما صدقنا ان القسم اتقفل ولسه هتبدأ النفوس تهدى هترجعوه تاني ؟