كنت عايز لو سمحت العنوان ورقم تليفون معرض اللى حجزت فيه وكام المبلغ الحجز وهل فى فرق فى السعر 10000 جم عن الصاله ضرورى للاهميه واعلى فئه عامله كام ومواصفاتها ايه الاعلى فئه
كنت عايز لو سمحت العنوان ورقم تليفون معرض اللى حجزت فيه وكام المبلغ الحجز وهل فى فرق فى السعر 10000 جم عن الصاله ضرورى للاهميه واعلى فئه عامله كام ومواصفاتها ايه الاعلى فئه
1- انا حجزت في توكيل رينو اسكندرية داون تاون ومقدم الحجز 5000 جنيه وفي فرق في سعر اللوجان عن معرض الطارق اللي انا سالت فيه 5000 جنيه وفرق 8000 جنيه في السانديرو او السانديرو ستيب واي حسب ما انا فاكر
2- سعر الفئة الهاي لاين 112000 جنيه لوجان و 116000 جنيه ستيب واي
3- فيها كل الكماليات العادية + مثبت سرعة+محدد سرعة+سنسور بارك+جنوط سبور+ شاشة تاتش مدعمة بنافيجيشن سيستم+ بلوتوث+ ستيب ترونيك جير بوكس وده لسه محدش يعرف كوده او ظروفه ايه ربنا يستر ان شاء الله
بالتوفيق يا باشا باذن الله
شكرا ا / محمد ناصف على ردك و افادتك و ان شاء الله تستلم على خير و العربية تكون عند حسن ظننا و ترفع راسنا. بس انا عاوز افهم حاجة المعارض بتحط اوفر بريس علشان تسلمك فى مدة اقل بكتير من التوكيل يعنى اسبوع اسبوعين وممكن فورى ، طيب هما جابو العربية منين لما التوكيل اصلا لسه مستوردش ولا شحنة ولا التوكيل عنده العربية و بيذلنا فى الاستلام و بيوزعها على المعارض الاول علشان تكسب من الاوفر بريس ( مبدأ الاستغلال ) لان المفروض ان المعارض بتاخد العربية من التوكيل بسعر تجارى وهو اقل بكتير من السعر الرسمى اللى التوكيل بيبع بيه للعميل مباشرة.
تحياتى لك.
مشكور ردك يااستاذ/محمد بس ليا سؤال مهم كان فى اثنين كانو شاريين عربيتان رينو نفس النوع مانويل تقريبا كانو موديل 2010 والعربيتان اتقلبوا على الطريق فهل فى حاجه فى عفشه الموديل ده بالاضافه الى ان صوت الموتور عالى.
ياريت بأه بما انك رغاي كده تعملنا تقرير عن العربيه بعد الاستلام بس يكون 3 صفحات فلوسكاب :))))))
مبروك مقدما
الناس كلها بتقول ان قطع غيار الموديل الجديد هي هي بتاعة الموديل القديم إلا في كام حاجة كده...العفشة هي هي القديمة على ما اعتقد والله اعلم
عموما الناس بتقول انها ثابتة لحد 140 كلم/ساعة وده كويس لأنها اصلا مش عربية شد وجرى وكلام من ده...عموما ربنا يستر علينا جميعاً أن شاءالله.. حضرتك دور على المواضيع دي في القسم لأنها مفيدة جداً