الموضوع: صيانه ال60000 كم للفانتازيا

السلام عليكم و رحمه الله و بركاته
انا دلوقتي في ارتوك اوتو القطاميه و بعمل صيانه ال60000 كم للرائعه و حبيبه قلبي الفانتازيا
ولسه معرفش بالظبط هدفع كام.... بس اللي هيتغير كالتالي:
1. زيت و فلتر موتور.
2.زيت و فلتر فتيس.
3.طقم السيور و بليه و شداد.
4.فلتر هواء موتور.
5.فلتر هواء تكييف.
6.زيت الفرامل الباكم.
7.تغيير دوره مياه السياره.
8.تغيير تيل فرامل امامي و خلفي.
9.طقم بوجيهات.
10.تغيير مساحات الزجاج امامي و خلفي.


نيجي للاسعار (استر يا رب):
-زيت وفلتر موتور وفلتر تكييف و فلتر هواء موتور 1300جم .
-طقم سيور وبليه و شداد 2500جم .
-طقم بوجيهات 350جم .
-زيت فتيس 6ك ...5ك للفتيس و 1ك تنظيف...+فلتر زيت فتيس 2200جم .
-مياه تبريد + زيت باكم 400جم .
-تيل فرامل امامي و خلفي 1300جم .
-مساحات زجاج امامي و خلفي 460جم .

والله اعلم داخله علي 8500جم تقربيا وربنا معانا واحنا بندفع .......

المشاركة الأصلية كتبت بواسطة طارق _عبد السلام

ربنا يبارك لك صيانه مهمه جدا

انا من مؤيدى ان يتم تغيير الزيت والفلتر للفتيس فقط فى التوكيل
والباقى يتعمل بره بقطع غيار اصليه هتفرق فى السعر كتير
لانهم ظلمه فعلا

متشكر جدا لذوقك
بس الحمد لله كله تمام . وكان في ناس بتخوفني من البادي فالف لما اغير زيت و فلتر الفتيس
بس الحمد لله طلع اللي شغال في التوكيل بيفهم .. وكان في شويه خبط و رزع في العربيه
الاصوات دي اختفت .. تقربيا كان العفشه عايزه تتربط ... وشكرا

واتمني من كل اعضاء المنتدي ان يشوفوا معرض اوتوماك الجمعه الجايه
وانا ان شاء الله هروح و اعملكوا تقرير حلو بالتفصيل عن المعرض ...