-
حدث فجأة و بدون مقدمات
كنت ماشى سعيد فى امان الله بعربيتى اللى بحبها ام 11 و فجأة (لحسن الحظ كنت على الغيار التانى) لقيت فى خشونة فظيعة فى العربية مش فاهم فيه ايه زى ما يكون فيه تروس بتحك فى بعضها او زى ما يكون الفتيس بيحك فى بعضه .. حاجات بتضرس كدة ... وقفت فورا بصيت تحت لقيت زيت اسود نازل من تحت العربية زى الحنفية
و قفت الموتور فورا ... توقف النزيف
مش عارف فيه ايه .. العكارتيرة اتشرخت و زيت الموتور نزل و لا فيه ايه مش عارف
المهم روحت ادور على ونش بعد ما قفلت العربية
و بعد محاولات و تفاصيل كتيرة الونش جيه و رفعتها و وديتها لابانوب على الساعة 10 بالليل
مشيت من عنده و استلمتها تانى يوم
التشخيص: ماسورة الباور شققت (الجزء الجلد) و الزيت اتصفى... يعنى لا موتور و لا حاجة
الميكانيكى خد كله 300 جنيه شامل قطعة الغيار (الماسورة و زيت الباور) و المصنعية
و الونش خد 350 جنيه
مشوار بتاع 650 جنيه عشان تصرف ندل من السيارة
للاسف الشديد دا عيب ينزل من تقييم العربية فى نظرى رغم انى مقتنع بيها جدا يعنى موضوع الفجأة دا مش كويس .. لو الماسورة دى بتتغير كل فترة فالمفروض يقولوا فى الكتالوج عشان لو كنت سايق على 120 و لا حاجة كان ممكن اعمل حادثة لان الباور فجأة خشن جامد و عمل صوت و رعبنى .. كنت حاسس ان الاصوات و الخشونة فى الموتور
مستنى تعليقاتكم و هل ال 300 جنيه كتير على صيانة الباور ماسورة و زيت و مصنعية
-
بالعكس ليه تقييم العربيه ينزل من نظرك
اعتي العربيات واشدها بيحصل ليها كوارث علي الطريق وفجاءه
مش خرطوم زيت يتقطع
-
300 جنيه ثمن القطعه والزيت والمصنعيه كويس جدا ..................... والحمد لله على انها جات على كده .
-
تفتكروا يعنى ما اضايقش
عموما طمنتونى انى ما دفعتش كتير فى القطع و المصنعية
-
و برضه خد بالك ان لو الباور كله ساب العربية وطلعله جناحات و طلع لسانه ولا هتعمل حادثة ولا حاجة لو كنت ماشي بسرعة لان كدة كده الدريكسيون هيفضل شغال ميكانيكيا عادي خالص بس هيبقي تقيل ...
و عامه ابانوب من اكتر الصنايعية فهما و احتراما و امانة في التعامل علي المستوي الفني و المالي
-
منور يا هيما
هو لما قالى 300 جنيه استكترتها
بس بعدين لقيت انه مبلغ معقول و خصوصا انهم هما اللى راحوا اشتروا قطع الغيار وانا كنت فى شغلى و بيتها و رجعت خدتها تانى يوم
-
انا كمان خايف احسن الخرطوم القادم اللى يتقطع و يسرب فجأة يكون خرطوم زيت الفرامل و تبقى مصيبة على الطريق
Content Relevant URLs by
vBSEO 3.6.0 PL2