أرجو الإفادة من ذوي الخبرة مع BMW e39
أرجو الإفادة من الأعضاء والمهندسين الذين لديهم خبرة مع السيارة
BMW e39 523i single vanos
السيارة تعمل بكل كفاءة ولكن من اسبوعين وانا في الزحمة علي كوبري أكتوبر ومشغل التكيف والدنيا عادية
بدوس بنزين لاقيت العربية مخنوقة جدا والدواسة تقيلة
بعد ما بردت بقت زي الفل فا حطيتها علي جهاز لا قيت حساس كرنك .. مسحت وطلعت اجرب ودوست عليها جامد مفيش اي مشاكل
النهاردة برده وانا علي كوبري أكتوبر اللعين بعد الزحمة بدوس لاقيتها مخنوقة شوية بس اقل من المرة اللي فاتت كتير بس حصل حاجة غريبة كبست دواسة بنزين للاخر طلعت تجري بس أخرت في نقل الغيار
هديت ودوست دوسة عادية مشيت مخنوقة شوية والفتيس حلاوة
دوست تاني دوسة جامدة مخنوقة شوية وخدت كل الغيارات بس الخامس كان مبرجل
حد يقولي ويفيدني هل حساس الكرنك مسئول عن الكلام دا وايه علاقته بالفتيس ولا ممكن يكون في حاجة تانية ؟!!!
وشكرآ
