الموضوع: Passat 2015 1400cc turbo - ارجو النصيحة من اهل الخبره

المشاركة الأصلية كتبت بواسطة Waleed Elfiki

السلام عليكم، كنت عايز اسألكم عن الباسات شوية اسئلة عشان انا ناوي اجبها ان شاء الله لانها اكثر حاجة ارتحت ليها لما اتفرجت على العربيات نفس الفئة السعرية وانا مش خبير في العربيات فيرجى المساعدة الله يبارك لكم:
1- العربية المباعة الان (1400 تيربو 239،000 الف جنية ) ده الشكل الجديد بعد الفيس لفت؟
ده الموديل b7 و يعتبر فيس ليفت لموديل 2010 او ال b6
2- قريت كتير عن الفتيس وفعلا موصلتش لمعلومة اكيده هل فعلا مشاكله اتحلت؟ التوكيل قالي ان مشاكله اتحلت تماماً بعد تعديل الجيربوكس وان المشكلة اصلا مكنتش في الفتيس نفسه لكن كانت في الجيربوكس، انا عندي صحاب لم يواجهو مشاكل في الفتيس(جيتا 2010 وباسات 2009) وفي واحد تاني (جيتا 2012) قالي حصله مشكله مره واحده واتعلجت في التوكيل ومحصلش حاجة تاني من ساعتها عند 50،000كم.
التوكيل بيدي ضمان مدى الحياة على الجيربوكس او الفتيس شرط انك تكون بتعمل الصيانة الدورية بانتظام معاهم.. وفعلا المشكلة دي اختفت في الموديلات الجديده
3- هل استخدام بنزين 92 هيبوظ الموتور بعد فتره؟ انا عارف ان 92 مش هيشغل التيربو كويس بس هل ليه تاثير على الموتور؟ وهل فعلا استهلاك السياره للبنزين اقل من 5 لتر لل 100كم؟ في الحالة دي ممكن استخدام 95
هو مش حيبوظ الموتور ..بس ما تتوقعش الأداء الوهمي او تقفيل العداد
4- هل فيه اي تفاصيل عن شكل جديد في الفتره القادمة (2، 3 سنين كده)؟
أن شاء الله حينزل شهر 7 الجاي 1.4 بقوة 150 حصان
5- هل فعلا البيجو 508 احسن في رأيكم؟ كل لما اسئل حد يقولي هات بيجو 508
البيجو عربية جميلة و اخدت شريحة كبيرة من سوق الباسات نظرا للسمعة السيئة للجيربوكس في الفترة الماضية ..بس انا اعرف واحد كان معاه باسات 2010 و باعها و اشترى 508 و لكن للسف ما ارتحش معها و قالي بالحرف "الباسات برقبتها"

شكرا مقدما للافاده