عرض للطباعة
السلام عليكم
استفسار لخبراء الزيوت انا عربيتى رينو لوجان 2010 بحطلها دايما شل الترا 5w40 المصنع فى مصر واللى دلوقتى بيور لايف وزيت كويس وموفر فى البزين ومشتكتش من شىء غير علو نسبى لصوت الموتور وكنت سمعت ان لزوجة 5w30 بتهدى صوت الموتور بنسبة كبيرة ....من اسبوع وانا رايح اشترى الزيت لقيت الموز منزل لزوجة 5w30 شل الترا av-l صناعة اتحاد اوروبى فا بصراحة احترت اغير اللزوجة ولا لا والكاتالوج مش جايب للاسف سيرة عن اللزوجة الممكنه
رينو من ضمن الشركات اللي بتطلب زيوت بمواصفات خاصة بيها.. وخاصة في موضوع مستوى الخدمة.. وإن الزيت يكون معتمد من رينو أو على الأقل.. يكون متطابق مع مواصفاتها.
لكن مسألة اللزوجة لازم تكون مذكورة في الكتالوج بصورة أو بأخرى.
لو تقدر ترفع لنا صورة صفحة الزيت في الكتالوج وإن شاء الله نقدر نساعدك.
...
في الشتاء مفيش مشكلة حط عادي
شكرا للرد ولو قدﻻت اجيب صورة اللزوجة المعتمدة فى الكتالوج هشيرها
[[http://nileup.com/up/uploads/thumbs/nilemotors_14292948961.jpg[/img][/url][/IMG]
[img2]
http://nileup.com/up/uploads/nilemotors_14292948961.jpg
http://nileup.com/up/uploads/nilemotors_14292948961.jpg
دى مواصفات موتور اللوجان k7m 710 فا ايه رايكم افضل اختيار
اقتباس:
المشاركة الأصلية كتبت بواسطة amrelzawawy
أنا راجعت الكلام اللي حضرتك كتبته في أول الموضوع خالص
زيت شيل هيليكس ألترا AV-L ده مخصص لسيارات مجموعة فولزفاجن (فولزفاجن-أودي-سيات-سكودا) فقط وتحديدا .. وما يفضل ما يتحطش في ماركات تانية .. لإنه ببساطة معمول طبقا لمواصفات فولزفاجن ومتفصل عليها.
الزيت متصنع في الاتحاد الأوروبي على عيني وراسي... بس ما ينفعكس.
الصفحة اللي حضرتك مشيرها فيها اسم ملف ممتاز منزلاه رينو لمواصفات الزيوت اللي تنفع في كل مواتير سياراتها خلال الـ15 سنة اللي فاتت.
وفيه اختيارات كتير تخليك تختار من أنواع زيوت كتير
الملف ده تقدر تشوفه وتنزله من هنا:
http://www.uas-bg.com/meganii/eng/6013A.pdf
عموما.. حسب مواصفة رينو... مواصفات أحسن زيت يناسبك هي كالتالي:
كود الـAPI: استخدم SJ أو SL أو SM أو SN
كود الـACEA: استخدم A3 أو A5 فقط
ما تستخدمش زيت عليه كود C1 أو C2 أو C3 (إلا إذا كان جنبه كود A3 أو A5)
اللزوجة : استخدم أي لزوجة من الموجودين في الصفحة اللي حضرتك أرفقتها دي..
كل الموضوع إن اللزوجة الخفيفة هتديك توفير في الوقود.. بس يفضل إنك لو بتسخدم العربية بطريقة فيها أحمال كبيرة (أوزان كبيرة جدا.. قطر سيارات.. إلخ) يبقى تبعد عن اللزوجة الخفيفة.. وتستخدم اللزوجات اللي فيها 40 أو 50 فقط.
طيب.. كل اللي أنا طالبه من حضرتك إنك تتأكد من مواصفات الزيت اللي حضرتك بتستخدمه (شيل هيليكس ألترا 5W-40)... علشان نعرف إذا كان مناسب للعربية عندك ولا لأ..
وأتوقع إن زيت شيل مناسب جدا إذا كان بنفس المواصفات الموجودة في الصفحة دي:
Shell Helix Ultra 5W-40 - Shell Global
...
شكرا للافادة الجميله جزاك الله خيرا ياريت تكمل جميلك فى موضوع التخليقى ومجموعاته الاربعه بتطبيق عملى على المنتجات اللى فى مصر كثير منها مكتوب عليها تخليقى بالكامل زى شل الترا وكاسترول ايدج هل كده كله غش تجارى وكله مش المواصفات العاليه دى مع افتراض ثبات الخواص الاكثر انتشارا زى لزوجة 5w40 sn a3