لو كنت رئيسا (01) : وقف توظيف الاناث بالمصالح الحكومية إلا إذا استدعت الوظيفة لذلك

**Ladawy** · 09-03-2015 02:55 PM

الســلام عليكم و رحمة الله وبركاته

بمناسبة اليوم العالمى للمرأة ، قولت اشارككم الفكرة دى (فى بالى من فتـرة )

بالمناسبة (لو كنت رئيسا 01 ) دى برضه كانت فكرة فى بالى لسلسلة لشوية افكار مجنونة برضه فى بالى ، ربنا يوفق و يبقى ليها سلسلة و اقدر اشارككم بيها

انا شايف ان فى المصالح الحكومية بيكون فيه وظائف معينة اللى بيمسكها حريم ،
امساك دفاتر ، مراجعة ملفات .... الخ

و بحكم عملى فى وزارة العدل ، فالمحكمة تقريبا - و إن كانت من المجتمعات الغير محببة اخلاقيا و سلوكيا - نصف الموظفين فيها إناث !!
و من ملاحظتى : أداءهم ابطأ و اضعف كتير من لو كانوا رجالة .. + ان التعامل معاهم مجهد و ممل

و المرتبات واحدة طبعا ( حريم أو رجالة ) لإن اللى بيحكم الدرجة الوظيفية
على الرغم ان اجازاتهم اكتر طبعا ، و ساعات عملهم اقل ، و ممكن يروحوا ساعة بدرى ( رسمى ) بتبقى حاجة اسمها ساعة رضاعة .

-----------------
دا من الجانب العملى ، نبص سوا على الجانب الاجتماعى

اللى بيفتح بيوت مين ؟ الرجالة
مصاريف بيت و زوجة و اولاد .... الخ

طيب ليه ماتكونش فرصة العمل دى موفرة للراجل اللى هايفتح البيت ، بدل ما الفرص بتتقسم ما بين الرجالة و الحريم !!

و البنات انا شايف ان دورهم ووظيفتهم الاهم هنا هى رعاية الاولاد ،، لكن لو الام موظفة يبقى ازاى هايتم رعاية الاولاد !؟؟

فاجتماعيا ، المعادلة مش موزونة
ايوة ، قد تلاقى موظف متجوز موظفة و بالتالى هايعيشوا بمرتبهم الاتنين على بعض
و بالتالى ممكن الموظف ده مايبقاش مضطر يشتغل شغلانة تانية بعد الوظيفة
بس دى حالات نادرة ، و بتتم عند مرحلة عليا من مراحل التفاهم بين الزوجين و ... و.... الخ
مع العلم ، بإن الزوجة شرعا مش مطالبة تصرف شلن على البيت ، و غن الزوج هو المتكفل شرعا بكل شيء

يبقى لو 20 وظيفة بيشتغل فيها حريم ، ممكن يتم الاستغناء عنهم ، هاتلاقى اننا محتاجين 15 راجل بس بدالهم ... بنتايج شغل اعلى ... و بتوفير للدولة

---
طبعا مع استثناء الوظايف اللى ماينفعش فيها إلا حريم
مدرسات .. طبيبات .. ممرضات ........

===================
و كدا دور البنات فى الدنيا ايه ؟؟
تربية و بس !

لا طبعا ،، احنا بحكم ان هدفنا الاول فى الوظايف هى الوظايف الحكومية ، فبننسى العمل الخاص

لو الظروف فى مصر كانت مساعدة ،، و العقول المصرية ابداعية بطبيعتها كنت قولتلكم عاوزين نقلب الصورة
نخلى الوظايف الحكومية للبنات بحكم روتينيتها .. و الاعمال الابداعية الخاصة تبقى للرجالة

ممكن الزوجات تتوظف فى شركات و اعمال خاصة ، أو تفتح اعمالها الخاصة ( مشاريع صغيرة ) ،، أو تدير مشروع خاص بمساعدة زوجها
--- مقصدى يعنى : القطاع الخاص بمختلف اشكاله ---
و يبقى Part-Time Job علشان لا تغفل واجبها تجاه بيتها

و دا كان رأيى باختصار

**حسام الغرباوي** · 09-03-2015 05:37 PM

نفس التفكير اللي بفكر فية

خصوصا ان المسؤولة الاجتماعية وعداتنا وتقاليدنا بتفرض على الراجل انو يكون مسؤول بالكامل عن البيت

انا مش ضد عمل المرأة ولا حاجة ...لكن شايف ان الاولوية تكون للرجال وبعدين يتم الاتجاة لتوظيف النساء ...

يعني مثلا دلوقتي تدخل بنك ...تلاقي 60 % موظفات ..تدخل كلية شؤون الطلبة تلاقي 80 % موظفات ..تدخل محكمة ..تلاقي 80 % موظفات

حاجة غير عادلة إطلاقا

المجتمع بيفرض على الراجل المسؤلية الاجتماعية وفي المقابل بيشغل الست !!!!!!

**besso** · 09-03-2015 05:47 PM

متفق معاك مع ان فيهم منهم ناس متميزه جداااا
لكن هما عاملينلنا ازمه بصراحه

**bluemail** · 09-03-2015 05:48 PM

للاسف احنا بقينا في زمن ستات كتير هي اللى فاتحه البيت وبتصرف على ولادها واحيانا علي ولادها وجوزها كمان
في ستات كتير جدا جدا فوق ما تتخيل هي اللي شايله المسؤوليه لاسباب كتير
جوزها توفي, سافر وما رجعش, اتسجن , حصله حادثه, مريض بمرض مزمن, او للاسف جوزها مابيتحملش المسؤليه حتي وهو بكامل صحته
الكلام ده كان ينفع زمان لما الراجل كان هو اللي بيفتح بيت
اسف لو ضايقتكوا برأيي

**Ladawy** · 09-03-2015 06:05 PM

حسام الغرباوي
besso

كويس ان الفكرة ناس تانية برضه حاسة بيها ،،
و فعلا كلمة صادقة جدا قالها " حسام الغرباوي " :

المجتمع بيفرض على الراجل المسؤلية الاجتماعية وفي المقابل بيشغل الست !!

---------------

@bluemail

كلامك جميل جدا و موزون و يجب أخذه فى الاعتبار ،،
و بالتالى الستات اللى ليهم ظروفهم الخاصة دى اولى كمان بالتعيينات الحكومية
( اللى ازواجهم عاجز عن العمل ، المطلقات ، المنفصلات ... )

رغم ان الاعداد هاتبقى كبيرة ، فبالطبع هايبقى ليها قيود تانية تنظم الموضوع ده

**Anaslbda** · 09-03-2015 06:09 PM

كويّس ان احنا في منتدى عربيات والّا كانوا الـFeminazi قاموا عليك.

**Ahmed emad has** · 09-03-2015 06:26 PM

غير كده انا لما بدخل مكان الاقي فيه ست قاعدة بلف وبرجع تاني واعرف ان الدنيا مش هتمشي . شئون الطلبة في المدارس والجامعات بقت حاجة تقرف . و برصوا في مكاتب البريد و مصلحة الجوازات وكمان في الاقسام والمحاكم وجميع الوظائف الروتينية الحكومية . تلاقي الست منهم جايه متاخر سعتين وتقعد تفطر سعتين وتمشي بدري سعتين و هيا اصلا نازلة وسايبة بيتها عامل زي الخرابة وولادها مضايقنها و متخانقة مع جوزها و جابة مش طايقة نفسها وعايزه تلحق تروح عشان تتطبخ وتروق البيت وكل ده طالع علي العميل . انا حقيقي اتعقدت من الموضوع ده