بعد السلام والتحية
بصوا بقا العربية اللي لسة جايبها فيها كاسيت غير معلوم المصدر او الماركة وطبعا صيني ومعاه بسم الله ماشاء الله سماعة واحده راكبه في التابلوه تحت الدرج كده
وطبعا لظروف ان العربية قديمة (رينو ٩ موديل ١٩٨٦) ومحتاجة تغيير موتور وشوية صيانات تانيه كده
فأنا حطيت ميزانيه ٥٠٠ جنيه للصوت
المهم كنت من يومين في العتبة فقلت اسأل في المحلات اللي في شارع الازهر بالمرة
لقيت البايونير البيضاوي فيتنامي من ٣٢٥ إلي ٤٥٠ جنيه حسب الوات بتاعها
والكينويد البيضاوي نفس الرنج تقريبا
ولقيت سماعه اسمها citisound اعلي موديل ب ١٨٠ جنيه

السؤال بقا انهي احسن اجيب ٤ سماعات النوع ده مع جي ام صغير ب٢٠٠ جنيه ولا اجيب ٢ من البايونير او الكينويد مع نفس الجي ام
واجيبها من العتبة ولا مش مضمونة من هناك
انا عايز صوت مش عالي اوي بس بيز نقي حتي لو مش عالي

علما بأني ناوي علي كاسيت نضيف بس شويه كده علشان الميزانيه خرفت خالص

افتوني يا خبراء