محترفى بريليانس fsv الحقوني

**bigheart852000** · 10-03-2015 12:00 AM

السلام عليكم
انا معايا بريليانس fsv2011 العربية فيها شوية مشاكل ومحتاج حد يفيدني بجد
1- الفرامل عندى ابتدت تصفر كتير على الرغم من ان التيل لسا مش خلصان وكمان ساعات بحس ان الفرامل ضعيفة ولازم ادوس مرتين علشان العربية تكلبش ولما وديتها اخدتلها هوا الميكانيكي بيقولي لو عملت معاك كده تاني تبقى محتاج تغير ماستر الفرامل

2- ساعات بحس ان في نفضة فالكبوت وانا على السلانسية

3- الغيار الاول ساعات كتير بيدقر ولازم ادوس عالفتيس جامد علشان تاخد الاول وساعات المارشدير عصاية الفتيس تروح على غيار المارشدير بس العربية مش بتاخد الغيار

يا ريت جزاكم الله خير تفيديونى عن سبب المشاكل دي وكمان عاوز اعرف سعر ماستر الفرامل

**bigheart852000** · 15-03-2015 07:49 PM

يا جدعان حرام عليكم 162 مشاهدة ومافيش ولا رد
فين خبراء البريليانس
متااااااااااااااااااابع

**Mostafa Hessen** · 15-03-2015 10:54 PM

محتاج تقولى العربيه ماشيه قديه
وهيا عاده ولا اتوماتيك

**Mostafa Hessen** · 21-03-2015 09:59 AM

طيب مبدئيا
انت محتاج تغير التيل الأمامى وتكشف على الطنابير الأماميه
انت محتاج تكشف على التيل الخلفى وتشوف اكل فى الطنابير الخلفيه ولا لأ
لو اكل فيها صنفر الطنابير وغير التيل الخلفى او املاه زى متحب
بخصوص الكبوت اكشف على قواعد الموتور وخصوصا الشداد الخلفى مع الكشف على جلب المقصات
الفتيس بق فإنت ريح نفسك وغير زيت الفتيس حيريحك جدا جيب زيت موبيل 90
وممكن تكشف على زيت الفرامل وده ممكن تبص عليه انت لو لقيت لونه اسود وطبعا اكيد متغيرش قبل كده يفضل تغييره بزيت فرامل dot 4 حتلاقيه فى بنزينات موبيل واوعى تحط زيت dot 3
عر ماستر الزيت مش معايا دلوقتى بس حسأل وارد عليك
تحياتى

**bigheart852000** · 31-03-2015 12:23 AM

هو ليه كمية المشاهدات دي كلها وماحدش بيرد ؟؟؟؟؟
متابع

**elraiq** · 31-03-2015 04:37 AM

ماستر الفرامل ب ٤٢٠ تقريبا بس نصيحه ماتغيروش اعمله طقم اصلاح نضيف لو مهرب ولو مش مهرب يبقي ماتجييش ناحيته اصلا وشيك عالطنابير الاول ولو مش حلوه انزل هات طنابير اوكتافيا a4 واحسن روح لحد متخصص فرامل وديبرياج بس سيبك من الميكانيكيه