رجرجة فى الدركسون عند الفرملة

**ahmedmoghazy** · 10-03-2015 02:42 PM

السلام عليكم انا معايا لانوس 2011 ولسة مغير طنابير امامى من شهرين ودلوقتى ونا ماشى على 100 واجى افرمل الاقى فى رجرجة فى الدركسون والعربية وبتروح لما اجى على 60 عاوز اعرف دة مشكلة اية واية الحل

**ahmedmoghazy** · 10-03-2015 04:52 PM

اين الردود

**eng.m7md.ali** · 10-03-2015 05:03 PM

مشكلة في الطنابير

**Abo_Mazen** · 10-03-2015 06:03 PM

طنابير ..دي مشكلة طنابير ..هتقولي لسه مغير طنابير من شهرين ..عادي ..بتحصل ..التيل زباله ..وحش ..تلفلك الطنابير ..روح شيك على الطنابير وإديها مسحه كويسه ..وحط تيل نضيف ..متحطش تيل قديم على طنبور جديد أو لسه ممسوح ..مسحت طنابير يبقى تغير تيل على علطول

**ahmedmoghazy** · 11-03-2015 10:06 AM

انا كنت جايب مع الطنابير تيل الاصلى gm

**amr011111** · 11-03-2015 10:25 AM

مشكلة طنابير

**moha sasa** · 11-03-2015 03:32 PM

المشاركة الأصلية كتبت بواسطة m_m_sh_a

طنابير ..دي مشكلة طنابير ..هتقولي لسه مغير طنابير من شهرين ..عادي ..بتحصل ..التيل زباله ..وحش ..تلفلك الطنابير ..روح شيك على الطنابير وإديها مسحه كويسه ..وحط تيل نضيف ..متحطش تيل قديم على طنبور جديد أو لسه ممسوح ..مسحت طنابير يبقى تغير تيل على علطول

- من فترة خرطت طنابير وركبت تيل جديد gm وفى برده رجرجة ورعشة فى الطارة عند دوس فرامل.

**Abo_Mazen** · 11-03-2015 05:55 PM

المشاركة الأصلية كتبت بواسطة moha sasa

- من فترة خرطت طنابير وركبت تيل جديد gm وفى برده رجرجة ورعشة فى الطارة عند دوس فرامل.

خلاص ..إتفقنا إن التيل تمام وأصلي ..يا ترى بقى اللي مسح الطنابير أستاذ وبيفهم ..أنا مسحت طنبورتين قبل كده في مخرطه ..كانوا بتوع 128 ..وبعد ما خرطتهم المشكله بقت أكبر وأنيل ..رحت للميكانيكي قلتله المخرطه اللي بعتني ليها عشان تخرط الطنابير بوظتها ..عاوز أمسحها تاني ..قالي لالالالا..الطنابير عندك مفيهاش لحميه تتمسح ..غير طنابير أسهل ..وكانت الطنبوره وقتها ب 80 جنيه

بص ..غربله في الطاره مع الفرامل دي طنابير ..ممكن أدخلك بقى في سكك شيك على العفشه ..ربط عفشه ..بيضات مقص ..إسكاترا ..كل ده ممكن وقائم ..لكن ما دام المشكله إرتبطت بالفرامل وبتحصل مع الفرامل يبقى طنابير أو تيل

ده رأي المتواضع