السكن في محرم بك

**mmohamed15** · 10-03-2015 08:19 PM

كنت عايز اخد رايكم يا جماعه في موضوع السكن في محرم بك ايه مزاياه ايه عيوبه و ايه الاماكن اللي تعتبر كويسه فيه و كنت عايز اعرف هل هو حته شعبيه جدا و لا معقول مستني ردودكم

**mohamed2002** · 11-03-2015 12:31 AM

قريب من وسط البلد بمعني اصح تعتبر وسط البلد
قريب جدا من محطة مصر والمنشية والموقف وكارفور
مش شعبية اوي ومش هاي اوي نقول متوسطة وبرضة حسب المنطقة لان محرم بك كبيرة مش صغيرة

**mmohamed15** · 11-03-2015 12:46 AM

المشاركة الأصلية كتبت بواسطة mohamed2002

قريب من وسط البلد بمعني اصح تعتبر وسط البلد
قريب جدا من محطة مصر والمنشية والموقف وكارفور
مش شعبية اوي ومش هاي اوي نقول متوسطة وبرضة حسب المنطقة لان محرم بك كبيرة مش صغيرة

طيب ايه انضف مناطق فيها يا باشا

**YahiaAshraf** · 11-03-2015 09:22 AM

ابوس ايدك بلاش محرم بك وعن تجربه

انا ندمت انى سكنت فيها لانها زمان كانت منطقة راقية
معظم محرم بك مدارس وسنترز للدروس الخصوصية يعنى بلطجه يعنى قلة ادب يعنى دوشة 24 ساعه الموتوسيكلات تبقى مشغله السماعات اعلى صوت باغانى هابطه متخيل انك تكون فى دوشة 24 ساعه

الميزة الصراحه انها قريبه من أى حاجة بس فى المقابل انا عن نفسى مش مرتاح نفسيا أما لو مصمم على محرم بك فعلى شارع قناة السويس فى رأى افضل مكان بس الشقق غالية المتر ب 5000

**YahiaAshraf** · 11-03-2015 06:19 PM

المشاركة الأصلية كتبت بواسطة mmohamed15

كلامك صحيح لحد ما لكن هي كل الشوارع في محرم بك كده طيب مثلا شارع جرين نظامه ايه
و لو بلاش محرم بيه يبقي في رأيك اروح ادور فين

تدور فين ده يعتمد على حسب السعر اللى انت عامل حسابك عليه للشقة
انا عن نفسى بحب جدا منطقة وابور المياه منطقة راقية جدا وهاديه ونظيفة

**YahiaAshraf** · 11-03-2015 06:55 PM

المشاركة الأصلية كتبت بواسطة mmohamed15

وابور المياه دي بره الميزانيه خالص انت بتتكلم علي الاقل في 850 و لا 900 الف جنيه فأكثر
انا بتكلم في بكتيره 500 الف بالتقسيط و هبقي ساعتها سالف فلوس و متداين من ناس قرايبي علشان اوفر المقدم
مفيش عند حضرتك مقترحات تانيه بس حاجه تبقي قريبه من الطريق الدولي علشان انا شغلي في منطقه العجمي ام زغيو و مش عايز حاجه بعيده اوي عن نص البلد و مش عايز كمان اسكن في العجمي علشان حت زفت

فى وابور الميه اكتر من كده كمان ده الشقة اللى انا فيها على قناة السويس بمحرم بك اغلى :)
ممكن تشوف فى سموحه كويسه برده ارقى من محرم بك كتير

**mmohamed15** · 11-03-2015 10:58 PM

المشاركة الأصلية كتبت بواسطة mahmoud naguib

ياراجل بيقولك وابور المية غالية تقوله سموحة !
ههههههههههههههههههه
روح كفر عبده !!
طبعا بهزر

أنا عن نفسي بصراحة بعشق كامب شيزار جدا مع اني مش من اسكندرية بس حبيت مناطق كتير ف الشاطبي برضه وفي الأزاريطة برضه جميلة !
شةف الأقرب ليك وربنا يوفقك

طب إي رأيك بما إنك ف العجمي تفكر بشكل أحسن !
إي رأيك ف برج العرب مدينة جميلة وهادية وقريبة لشغلك !

ما ده من هيبقي زي السكن في العجمي
بعيد عن الخدمات بعيد عن النوادي بعيد عن الفسح و الخروجات
و لو حبيت تنزل هتاخد ساعتين او ساعه و نص لوسط البلد
و مفيش مدارس حلوه
يعني هتعيش مش مرتاح