ماشاء الله جميله
انا علقت عشان الحته ديه(مابحبش أجيب صور من النت عشان بتخلي التقرير بلاستيك)
و فى حد يسيب الشاهين
رقم العضوية : 33109
تاريخ التسجيل : 16Feb2009
المشاركات : 146
النوع : ذكر
الاقامة : Cairo
السيارة: Fiat Grande Punto
السيارة[2]: Opel Astra J HB
دراجة بخارية: -
الحالة :
أوبل أسترا J هاتشباك
تقرير حصري لنايل موتورز بعد 40000 كم وسنتين ونص استخدام وبعد السوفتوير الجديد
أولا: مقدمة
- التقرير بناءا على وجهة نظري الشخصية عن العربية موديل 2012 وماشية حوالي 40000 وبقالها حوالي سنتين ونص .. كوزمو هاتشباك
- ده أول تقرير ليا على نايل موتورز .. وللأسف معرفتش أغير الخطوط وألونها
- نصيحة .. دايما استمتع بأي نعمة ربنا يديهالك .. واحمد ربنا عليها ومتبصش لغيرك
- أنا مركب System كامل بشاشة 7 إنش وكاميرا خلفية و GPS وبلوتوث موبايل و USB لأن العربية مكانش فيها USB في 2012
- حأحاول أكون موضوعي قدر المستطاع عشان أقدر أفيد اللي عاوز يشتري العربية
- التقرير حيكون عملي ومختصر قدر المستطاع
- أنا سقت عربيات كتير بالترتيب على حساب طول المدة : فيات جراند بونتو 2009 دوالوجيك – أوبل كورسا مانوال – شاهين - فيات 127 TOP- ياريس أوتوماتيك – لانوس – كيا سيراتو 2007 أوتوماتيك – رينو سانديرو أوتوماتيك 2012 – كيا سيراتو اوتوماتيك – سكودا أوكتافيا A7 .. ده إللي انا فاكره
ثانيا: صور من الطبيعة
مابحبش أجيب صور من النت عشان بتخلي التقرير بلاستيك
وكان نفسي أصورلكم صور بليل عشان الإضاءة والكلام ده .. بس للأسف ملحقتش
المقدمة الهجومية والنقلة النوعية في التصميم الخارجي
المؤخرة والتصميم الإنسيابي الجميل
وديه صورة للعربية من الجنب تبين الخطوط الإنسيابية ..
التابلوه والخامات واضحة شياكتها وفخامتها في الصورة
الصالون واسع .. والفرش شيك جدا .. والقعدة مريحة .. زي ما هو واضح في الصور
ثالثا: الإيجابات
1- جودة التقفيل والخامات المستخدمة 9.0/10
2- تصميم السيارة من الداخل أكثر من رائع سواء التابلوه أو الدركسيون أو شكل العدادات مع الإضاءة الجميلة 9.5/10
3- الصالون ممتاز وواسع .. ومناسب جدا لعائلة صغيرة .. والكراسي مريحة جدا .. مع الفرش الشيك .. 9.5/10
4- الشنطة حجمها رائع بالنسبة لعربية هاتشباك 9.5/10
5- الإستابيليتي ممتازة جدا 9/10
6- العفشة أكثر من رائعة لا ناشفة بزيادة ولا العربية مفككة .. على الرغم من الجنوط ال 17 9.5/10
7- مستوى الأمان عالي جدا .. فرامل ممتازة جدا مع ABS و EBD وTraction Control .. تحس فعلا بالأمان وانت سايق على سرعات عالية مع 6 إيرباجز و5 نجوم في إختبارات السلامة 9.5/10
8- التصميم والشكل الخارجي ممتاز من وجهة نظري .. العربية شكلها جذاب جدا
9- الإعتمادية بالنسبة لعربية أوروبي أكتر من ممتازة8.5 /10
10- التكييف للراكب قدام جيد جدا خصوصا إنه دوال زوون 8/10
11- الإحتياجات الأساسية للعربية بالنسبالي موجودة كلها .. أماكن تخزين كتير وكبيرة جوه العربية .. مالتيفانكنشن .. كروز كنترول .. وسع .. 9/10
12- العزل جيد جدا .. ممكن أديله 7.5/10
رابعا: السلبيات
1- السحب على السرعات القليلة وخصوصا الطلعة ضعيف .. لكنه اتحسن كتير بعد السوفتوير الجديد 6.5/10
2- كان فيه كركرة ورجة بتحصل لما تبقى على الD ودايس فرامل .. أو لما تتحرك فجأة على السرعات العالية لكن اختفت تماما بعد السوفتوير الجديد ويمكن ديه اهم حاجة كانت منغصة على الأستراوية حياتهم لكن اتحلت خلاص الحمد لله
3- كان فيه نتشة خفيفة في الفتيس بين بعض النقلات .. بس السوفتوير حلها برضه الحمد لله
4- فيه صوت هوا من عند مراية السواق على السرعات العالية وعشان كده أدي للإيروداينامكس 6 /10
5- التكييف بالنسية للقاعد ورا .. أحيانا بيكون ضعيف في أيام الصيف اللي بتبقى حر بزيادة .. بالإضافة إلى إن مافيش فتحات تكييف خلفية التكييف للي قاعد ورا 7 /10
6- العربية في 2012 مكانتش بتنزل ب USB ولا Parking Sensor ولا Bluetooth Mobile مع إن تجهيزاته وزرايره موجودة.. بس تم تركيب الكلام ده بال systemالكامل اللي جيبت سيرته فوق ما عدا الParking Sensor
7- فيه ناس اشتكت من مشاكل في التيل والطنابير .. بس أنا الحقيقة محصلتليش المشكلة ديه.
8- صوت الموتور عالي سنة وخشن كعادة الأوبل لكن العزل كويس جدا فمبتحسش بيه أوي
وأخيرا:
- من باب الإنصاف .. العربية قبل السوفتوير حاجة .. وبعد السوفتوير حاجة تانية خالص .. فعلا نقلة نوعية .. العربية دماغها نضفت وفيه سلاسة واضحة في النقلات
- العربية إجمالا صفقة ممتازة بالنسبة لسعرها ولو قارنتها بالعربيات التانية إللي في فئتها .. مش مثالية لكنها جيدة جدا ومافيش حاجة كاملة في الدنيا .. الكمال لله وحده .. أقدر أديها إجمالا 8/10
- أتمنى أكون غطيت بحيادية معظم جوانب العربية وأكون أفادتكم
حصري لنايل موتورز
مع خالص تحياتي
عمار
رقم العضوية : 141407
تاريخ التسجيل : 23Apr2013
المشاركات : 456
النوع : ذكر
الاقامة : السويس
السيارة: نيو اكسنت 2010
السيارة[2]: شاهين 1999
الحالة :
ماشاء الله جميله
انا علقت عشان الحته ديه(مابحبش أجيب صور من النت عشان بتخلي التقرير بلاستيك)
و فى حد يسيب الشاهين
اللهم صل و سلم على (محمد)
رقم العضوية : 154051
تاريخ التسجيل : 02Jan2014
المشاركات : 52
النوع : ذكر
الاقامة : alexandria
السيارة: astra j
السيارة[2]: octavia a5
الحالة :
السوفتوير ده لسه نازل؟ عشان انا عندي كل المشاكل ديه.
رقم العضوية : 89096
تاريخ التسجيل : 21Feb2011
المشاركات : 588
النوع : ذكر
الاقامة : الاسكندرية
السيارة: استرا كوزمو 2012 + IX35 2015
السيارة[2]: سيات 133 + ماتريكس 2008
دراجة بخارية: SYM150, 200, 300 & 400 - CB600F- 919- F4i - Shadow 400 & 750 - Magna - R1
الحالة :
اقوى واحسن كلمة فى تقريرك (دايما استمتع بأي نعمة ربنا يديهالك .. واحمد ربنا عليها ومتبصش لغيرك) واحب اضيف عليها كمان ان الرزق جاي جاي.
انا معايا نفس العربية بس ماشية كيلوات اقل عشان مش بننزل من اصلوا - تعمل فينا خدمة تقولنا حكاية السوفتوير .
ربنا يباركلك فيها ويديك خيرها ويبعد عنك شرها.
رقم العضوية : 63659
تاريخ التسجيل : 28Feb2010
المشاركات : 6,854
النوع : ذكر
الاقامة : Egypt
السيارة: X-trail
السيارة[2]: Jeep Wrangler
دراجة بخارية: لا
الحالة :
تقرير جميل ومنظم وانت واضح انك مركز مع كل حاجه حتي الايرو دينمكس وكل اللي عندك هو اللي عند الجميع خلال ان انتاج الهاتش باك كان افضل انتاج وقصة المشاكل بتاعت السوفتوير تابع مع الناس بعد ما تمشي شويه ﻷن الاعراض بترجع تاني ولو عندك رقم التحديث وضحو لﻷعضاء وربنا يبارك لك فيها
أحمد فهمى
رقم العضوية : 33109
تاريخ التسجيل : 16Feb2009
المشاركات : 146
النوع : ذكر
الاقامة : Cairo
السيارة: Fiat Grande Punto
السيارة[2]: Opel Astra J HB
دراجة بخارية: -
الحالة :
رقم العضوية : 33109
تاريخ التسجيل : 16Feb2009
المشاركات : 146
النوع : ذكر
الاقامة : Cairo
السيارة: Fiat Grande Punto
السيارة[2]: Opel Astra J HB
دراجة بخارية: -
الحالة :
السوفتوير بقاله حوالي إسبوعين وفارق جامد مع كل الناس إللي أعرفهم نزلوه .. انا ماشي بيه حوالي 500 كم .. وحاسس بنقلة نوعية .. هات السيكيوريتي كود بتاع عربيتك Car Pass .. بييجي مع العربية أول ما بتستلمها .. وروح على فرع الصحراوي مبدأيا هو أكيد موجود هناك .. وبيظهر واحدة واحدة في باقي الفروع .. وبينزل في ساعة .. ساعتين بالكتير .. ربنا يباركلكم في عربياتكم
لو ملقتش ال Car pass .. بتطلبه من منصور بيجيبه بالإيميل من ألمانيا بس ب 300 جنيه ..
حتدعولي إن شاء الله بعد ما تنزلوه :)
التعديل الأخير تم بواسطة Ammar ; 11-03-2015 الساعة 12:29 PM سبب آخر: إضافة
رقم العضوية : 33109
تاريخ التسجيل : 16Feb2009
المشاركات : 146
النوع : ذكر
الاقامة : Cairo
السيارة: Fiat Grande Punto
السيارة[2]: Opel Astra J HB
دراجة بخارية: -
الحالة :
إحنا نتشرف بيك يا فندم .. وشكرا على الكلام الجميل .. زي ما قلت للناس في التعليق اللي فات إنه لسه نازل من حوالي أسبوعين .. وأنا أول مرة أنزل سوفتوير من ساعة ما جبت العربية .. هو بيبان بعد 100 كم .. أنا مشيت حوالي 500 كم وفعلا مافيش كركرة تماما .. والنتشة بتاعت الفتيس اختفت .. السحب اتحسن لكن مش مثالي طبعا ..
لو عرفت أشوف رقم التحديث حأكتبه للناس علطول ..
أنا كان هدفي بس إني أفيد الناس على قد ما أقدر بحيادية .. ويا رب أكون قدرت أفيد أي حد
رقم العضوية : 26925
تاريخ التسجيل : 05Dec2008
المشاركات : 1,211
النوع : ذكر
الاقامة : Alexandria
السيارة: vectra c
السيارة[2]: fiat131
دراجة بخارية: No
الحالة :
يريت تقولنا ف فرق بين الاوبل والاسكودا a7 من حيث العفشة والتقفيل والتسارع والثبات
الحمدلله على كل شئ
رقم العضوية : 21515
تاريخ التسجيل : 08Oct2008
المشاركات : 1,618
النوع : ذكر
الاقامة : القاهره
السيارة: .
السيارة[2]: vectra c 2008 HL
دراجة بخارية: .
الحالة :
ماشاء الله لاقوه الا بالله
ربنا يباركلك
احمد عاشور
لا تنسونا من صالح دعائكم
المفضلات